देवचुली ,
चौतारी सामुदायिक बन उपभोक्ता समुह देवचुली १७ को रजत जयन्ती २०७८ को समुद्घाटन समारोह सम्पन्न भएको छ। गण्डकी प्रदेशका मुख्यमन्त्री कृष्ण चन्द्र नेपाली पोख्रेलद्वारा उद्घाटन गरिएको कार्यक्रम यहि पौष २९ गते सम्म संचालन हुनेछ। आज भएको उद्घाटन शत्रमा बनका अध्यक्ष शेर बहादुर गुरुङको अध्यक्षता रहेको थियो भने विभिन्न राजनीनिक दलका प्रतिनिधि , मेयर , विभिन्न वडाका वडाध्यक्ष तथा संघ संस्थाका पदाधिकारीहरुको आतित्थ्य्ता रहेको थियो।
कार्यक्रममा वरचुली माविको प्रांगणदेखी बनको कार्यालय सम्म झाँकी सहितको शोभा यात्रा निकालिएको थियो जस्मा विभिन्न जातजाति , आमा समुह तथा स्थानिय संघसंस्थाको सहभागिता रहेको थियो।
कार्यक्रमको पहिलो दिन आज मंगलबार संयुक्त सभापतित्व गर्ने तत्कालिन वडाध्यक्षहरु पुरनसिङ सारु , वासुदेव सापकोटा , खड्क बहादुर हमाल , शेर बहादुर गुरुङ तथा खगेन्द्र प्रसाद पाठक लगायतलाई सम्मान गरिएको थियो। कार्यक्रममा प्रमुख अतिथि पोख्रेल , पुर्व अध्यक्ष रविलाल सापकोटा , ठाकुर प्रसाद पाण्डे , ठाकुर प्रसाद भण्डारी , कृष्णप्रसाद पौडेल लगायतले आफ्नो भनाई राखेका थिए।
कार्यक्रममा बोल्ने अधिकांश वक्ताहरुले बनले २५ वर्ष देखि आज सम्म गर्दै आएका कार्यहरुको स्मरण गर्दै आगामी दिनमा अझै उत्कृस्ट कार्यहरु गर्दै अगाडी बढ्न शुभकामना व्यक्त गरेका थिए। यस्तै कार्यक्रममा सांस्कृतिक नृत्य पनि प्रस्तुत गरिएको थियो भने कार्यक्रमको सहजीकरण पदम खतिवडा र संगीता बराल सापकोटाले गरेका थिए।
साथै बनले भोलि र पर्सि विभिन्न खेलकुद तथा सांस्कृतिक कार्यक्रम गरि मनाउने तयारि गरेको छ।
