बन्दीपुरमा सडक खाना महोत्सव हुने

तनहुँ

गृहपृष्ठ
तनहुँ

बन्दीपुरमा सडक खाना महोत्सव हुने

ह्याप्पी टाइम्स 2078-09-13

अंग्रेजी नयाँ वर्षको अवसरमा पर्यटकीय नगरी बन्दीपुरमा दुई दिने सडक खाना महोत्सव हुने भएको छ । बन्दीपुर बजारमा १६ र १७ पुसमा सडक खाना महोत्सव हुने भएको हो ।

क्षेत्रीय होटेल संघ बन्दीपुर, बन्दीपुर पर्यटन विकास समिति र उद्योग वाणिज्य संघ बन्दीपुर बजार इकाई मिलेर महोत्सवको आयोजना गर्न लागेका हुन् ।

महोत्सवमा बन्दीपुर बजार क्षेत्रको खुला आकाशमुनि स्थानीय खानाका परिकारको स्टल रहने क्षेत्रीय होटेल संघ बन्दीपुरका अध्यक्ष विपिन प्रधानले बताउनु भयाे ।

महोत्सवले बन्दीपुरको पर्यटन प्रवर्द्धनमा सघाउने प्रधानको विश्वास छ। ‘महोत्सवले बन्दीपुर आउने पर्यटक बढाउने अपेक्षा राखिएको छ । दुई दिने महोत्सवमा मात्र कम्तीमा सात हजार पर्यटक बन्दीपुर भित्र्याउने लक्ष्य राखेका छौं’, उहाँले सुनाउनु भयाे ।

सडक खाना महोत्सव बन्दीपुरको एउटा ब्रान्ड हो । हरेक वर्ष अंग्रेजी नयाँ वर्षको अवसरमा सडक खाना महोत्सव हुँदै आइरहेको छ ।

प्रकाशित मिति: मंगलबार, पुस १३, २०७८ १७:१२