अमरापुरी
अमरापुरी खानेपानी तथा सरसफाई उपभोक्ता संस्थाको सपथ ग्रहण तथा पद हस्तान्तरण कार्यक्रम सम्पन्न भएको छ।
गत मङ्सिर १९ गते सम्पन्न निर्वाचन बाट निर्वाचित सम्पूर्ण कार्यसमिति तथा लेखा समितिका सदस्यहरुलाई सपथ ग्रहण गराइएको निर्वाचन समिति संयोजक तेजेन्द्र सापकोटाले ह्याप्पी टाइम्सलाई बताएका छन्।
गत मङ्सिर १९ मा सम्पन्न निर्वाचनबाट अध्यक्षमा मनहरी सापकोटा संगै उपाध्यक्षमा गंगादेवी सुवेदी बिजयी भएकी छिन् भने सचिवमा हिरालाल सापकोटा , कोषाध्यक्षमा कमला गुरुङ , सह सचिवमा रमा पाण्डे , जनजाती महिला सदस्यमा चुनमाया गुरुङ , दलित महिला सदस्यमा मुना वि.क , वडा सदस्यतर्फ वडा नम्बर १४ बाट बलराम सापकोटा , १५ बाट बिष्णुप्रसाद रानाभाट , १६ बाट चेतराम कंडेल , १७ बाट टिकाबहादुर रोका बिजयी भएका थिए ।
यस्तै यता लेखा फाँट तर्फ संयोजकमा विजय अधिकारी , महिला सदस्यमा श्यामादेवी रेग्मी , सदस्यमा रमाकान्त कंडेल बिजयी भएका थिए । ७ औँ अधिवेशनमा निर्वाचित माथि उल्लेखित नयाँ कार्य समिती र लेखा समितीलाई पुराना समिति द्वारा पद हस्तान्तरण गरिएको कार्यक्रमका अध्यक्ष समेत रहेका निर्वाचन संयोजक सापकोटाले बताएका हुन्।
आजको कार्यक्रममा जिल्ला समन्वय समितिका सदस्य बद्रि प्रसाद सापकोटाको प्रमुख आत्तित्थ्यता रहेको थियो। नयाँ कार्यसमितिको कार्यकाल ३ बर्षको रहनेछ।
