देवचुली ,
प्रगतिनगर खानेपानी तथा सरसफाई उपभोक्ता संस्थालाई आज विकू वचत तथा ऋण सहकारी संस्था दलदले सेवा केन्द्रले बधाई तथा मायाको चिनो प्रदान गरेको छ।
गत मङ्सिर ४ गते खानेपानी तथा ढल ब्यबस्थापन बिभागले आफ्नो ५० औं स्थापना दिवस (स्वर्ण महोत्सब ) को अवसरमा प्रगतिनगर खानेपानी संस्थालाई देश कै उत्कृष्ट खानेपानी संस्थाको रुपमा सम्मान गरेको थियो। यसै अनुरुप आफ्नै नगरको खानेपानी संस्था देशकै उत्कृष्ट भएकोमा खुसि हुँदै आज बिकुले बधाई तथा मायाको चिनो प्रदान गरेको प्रगतिनगर खानेपानी तथा सरसफाई उपभोक्ता संस्थाका अध्यक्ष खिमानन्द भुसालले ह्याप्पी ताइम्स्लाई बताएका छन्।
अध्यक्ष भुसालका अनुसार विभागले मुलुकभर रहेका खानेपानी संस्थाहरु मध्येबाट यस संस्थाले सुरक्षित खानेपानी आपूर्ति, उपभोक्ता हित एवम संस्थाको कार्य प्रगति तथा स्तरवृद्धिको क्षेत्रमा उत्कृस्ट कार्य गरे बापत संस्थालाई सम्मान गरिएको बताएका छन् ।
यस्तै आजको कार्यक्रममा दलदले सेवाकेन्द्रका संयोजक तेज प्रसाद न्यौपाने , सह संयोजक नारायण भुसाल , व्यवस्थापक सन्तोष पुडासैनी लगायतले प्रगतिनगर खानेपानी तथा सरसफाई उपभोक्ता संस्थाले प्राप्त गरेको उपलब्धि बाट अन्य खानेपानी संस्थाले धेरै कुरा सिक्न आवस्यक रहेको र यस संस्थालाई आगामि दिनमा अझ उत्कृस्ट कार्य गर्न शुभकामना ब्यक्त गरेका थिए।
यस्तै खानेपानी संस्थाको तर्फबाट सचिव इन्द्रमणि भुसाल , सल्लाहकार राम प्रसाद शर्मा लगायतले खानेपानीले गर्दै आएका कार्यहरुको बारेमा प्रस्ट पार्दै आगामी दिनमा पनि अहिलेको अवस्थालाई कायमै राख्ने प्रतिवद्धता ब्यक्त गरेका थिए। कार्यक्रममा बिकुले खानेपानीका सम्पूर्ण कार्य समिति , लेखा समिति , सुरक्षा समिति तथा कर्मचारी सम्पुर्णलाई बधाई तथा मायाको चिनो प्रदान गरेको थियो।
