गुल्मीको डहरे खोलाले बगाएको जिप क्षतविक्षत अवस्थामा भेटियो

तनहुँ

गृहपृष्ठ
तनहुँ

गुल्मीको डहरे खोलाले बगाएको जिप क्षतविक्षत अवस्थामा भेटियो

ह्याप्पी टाइम्स 2078-07-05

गुल्मीमा कात्तिक १ गते डहरे खोला तर्ने क्रममा बाढीले बगाएको जिप फेला परेको छ । बुटवलबाट वामी तर्फ आउँदै गरेको लु १ ज ३४३२ नम्बरको बोलेरो जिप जिल्लाको सत्यवती गाउँपालिका वडानम्बर–६ डहरे खोला तर्ने क्रममा बगेर बेपत्ता भएको थियो ।

बगेको स्थानबाट ८ सय मिटर तल क्षतविक्षेत अवस्थामा बिहीबार जिप फेला परेको स्थानीय ज्ञानहरी सापकोटाले बताए । जिपमा चालक सहित ९ जना यात्रुहरु रहेका थिए ।

जिप खोला नजिक दलदलमा फसेपछि यात्रु र चालक ओर्लिएका थिए । त्यसलगत्तै माथिबाट आएको लेदो सहितको पानीले जिप बगाएको थियो । जीपसँगै यात्रुहरुका सबै समानहरु बगेका थिए । यसअघि बर्खाको समयमा पनि डहरे खोलाले मालबाहक ट्रक बगाएको थियो ।

गुल्मी जिल्लाको क्षेत्र नम्बर १ मा पर्ने रिडी–वामी सडकखण्डमा डहरे खोला पर्दछ । यो सडक खुलेको वर्षौं भएपनि खोलाहरुमा पक्की पुल बन्न सकेको छैन । सडक कालोपत्रे पनि भएको छैन । त्यसैले जोखिम मोलेरै सयौं सवारीका साधनहरु गुल्मी जिल्लासँगै छिमेकी जिल्ला बाग्लुङको बुर्तिबाङसम्म यही सडकबाट आउ–जाउ गर्छन् ।

प्रकाशित मिति: शुक्रबार, कात्तिक ५, २०७८ ११:१०