विश्वभर कोरोना संक्रमण बाट पछिल्लो २४ घण्टामा साढे ६ लाख भन्दा धेरैमा कोरोना भाइरसको संक्रमण पुष्टि भएको छ ।
वल्र्डओमिटरका अनुसार पछिल्लो २४ घण्टामा विश्वभरी ६ लाख ५६ हजार १ सय ८० जनामा कोरोना संक्रमण पुष्टि भएको छ। यसबीचमा संक्रमणबाट ९ हजार ९ सय ४२ जनाले ज्यान गुमाएका छन्।
विश्वभर कोरोना संक्रमणको कारण ज्यान गुमाउनेको संख्या १३ लाख नाघेको छ। अहिलेसम्म विश्वभर संक्रमणबाट १३ लाख ८ हजार ५ सय ६५ जनाले ज्यान गुमाइसकेका छन्।
संक्रमणको कारण सबैभन्दा बढी अमेरिकामा हिजो मात्रै १ हजार ३ सय ९५ जनाको मृत्यु भएको छ। त्यहाँ १ लाख ८३ हजार भन्दा धेरैमा संक्रमण पुष्टि भएको छ ।
