कोरोना भाइरसको संक्रमणका कारण विदेशमा यो साता मात्रै थप १३ नेपालीको मृत्यु

देश

गृहपृष्ठ
देश

कोरोना भाइरसको संक्रमणका कारण विदेशमा यो साता मात्रै थप १३ नेपालीको मृत्यु

ह्याप्पी टाइम्स 2077-03-21

कोरोना भाइरसको संक्रमणका कारण विदेशमा यो साता मात्रै थप १३ नेपालीको मृत्यु भएको छ।

समितिका एनआरएनए स्वास्थ्य समितिका संयोजक डा सञ्जीव सापकोटाका अनुसार शनिबार साँझसम्म विदेशमा कोरोना संक्रमित गैरआवासीय नेपालीको संख्या २८ हजार ९ सय १८ पुगेको छ भने तीमध्ये २५ हजार २ सय २६ जना भने निको भइसकेका छन्।

याे साता मध्यपूर्वका देशबाहेक अन्य मुलुकमा कोरोना संक्रमण दर घट्दै गएको तथ्यांकले देखाएको छ।

गैरआवासीय नेपाली संघ (एनआरएनए) अन्तर्गतको स्वास्थ्य समितिले दिएको जानकारीअनुसार यूएईमा ६, भारतमा ५, ओमानमा १ र कुवेत १ गरी यो साता थप १३ नेपालीको मृत्यु भएको हो।

योसमेत गरेर शनिबार साँझसम्म कोरोनाकै कारण १४ देशमा गरी १ सय ४३ गैरआवासीय नेपालीको मृत्यु भएको समितिले जनाएको छ। समितिका अनुसार बेलायत, यूएई, साउदी अरब, बहराइन, कुवेत, कतार, आयरल्यान्ड, जापान, टर्की, नेदरल्यान्ड, स्विडेन, ओमानलगायत देशमा कोरोनाका कारण नेपालीको ज्यान गएको हो।

प्रकाशित मिति: आइतबार, असार २१, २०७७ ११:०७