देवचुली,
कोरोना भाइरस (कोभिड १९) संक्रमणले विश्वलाई नै आक्रान्त पारिरहेको छ । विभिन्न देशहरुमा संक्रमित बढे सँगै नेपालमा पनि दिन प्रति दिन संक्रमितको संख्या बढिरहेको छ । कोरोना भाइरस विरुद्धको खोप र औषधि उपलब्ध नहुँदासम्म यसबाट बच्न शरीरको रोग प्रतिरोधी क्षमता बढाउनु एक मात्र विकल्प बनेको छ । संक्रमण व्यक्तिले सेनिटाईजर प्रयोग गर्ने, माक्स लगाउने, सामाजिक दुरी कायम गर्ने र अझै विशेषत आफुलाई व्यस्त राख्न, तनाव कम गर्न व्यायाम निकै आवश्यक रहेको चित्रवन नेचर कयेरका डा. संजोग कुमार क्षेत्रीले बताउनुहुन्छ । विशेष गरि कोरोना भाइरस संक्रमण व्यक्तिले क्वारेन्टिनमा बस्दा तनाब भएको महशुस गर्ने भएकाले दिनको १, २ पटक व्यायाम गर्ने हो भने शरीरलाई फाईदा हुने र रोग सँग लड्न सजिलो हुने बताउनुहुन्छ ।
यस संक्रमणबाट बच्नको लागि पोषणयुक्त खानपान र नियमित व्यायामको आवश्यकता रहेको क्षेत्रीको भनाई छ । कोरोना संक्रमितले मात्र नभई हरेक व्यक्तिले घरमै पनि दैनिक व्यायाम गर्नु अति आवश्यक रहेको उहाँको सुझाव छ । संक्रमणको जोखिम हटाउन, दीर्घकालिन स्वास्थ्य समस्या कम गर्न, पर्याप्त निन्द्रा जस्ता समस्याबाट बच्न पनि व्यायाम अत्यावश्यक रहेको डा. क्षेत्रीले सुझाव दिनुहुन्छ ।
व्यायामका विधिहरु
प्रेस अप :आफ्नो ढाड र पिठुलाई खुकुलो पार्ने र आफ्नो हात भुइँमा टेकेर आफ्नो मथिल्लो शरीरलाई माथि धकेल्ने । आफ्नोकम्मरलाई तल राख्नमा घ्यान दिने र आफ्नो माथिल्लो शरीरलाई सकेसम्म माथि धकेल्ने प्रयास गर्ने ।
दुईटै घुँडा छाती सम्म लग्ने :आफ्नो दुवै घुँडालाई हातले अठयाउनुहोस र आफ्नो काँच तर्फ तान्नुहोस । यो आसनलाई १ सेकेण्ड कायम राख्ने र आफ्नो घुँडालाई हातले भेट्ने दुरी सम्म तल झारने ।
लम्बर स्पाइन स्टरेच : उत्तानो परेर सुत्ने । आफ्नो घुँडालाई छाती तर्फ ल्याउने । आफ्नो घँडालाई दुखने भाग तर्फ घुमाउने ।
कोल्टे फर्केर सुत्ने आसन :कोल्टे फर्केर सुत्ने र सिधा अगाडी हेर्ने । आफ्नो दुवै हातलाई सिधा अगाडी राख्ने र आफ्नो घुँडा खुम्चाउने ।
ह्यामसटरङि स्टरेच : खुट्टालाई सिधा राखेर उत्तानो पारेर सुत्ने । आफ्नो खुट्टालाई उठाउनुहोस र आफ्नो हातले खुट्टाको माथिल्लो भागमा समातेर सहारा प्रदान गर्ने ।
उभिएर ढाड तन्काउने :आफ्नो खुट्टलाई फटयाएर उभिने र औलालाई पछाडी तिर फर्काएर हातले कम्मरमा समाउने । आफनो हातले ढाडलाई सहारा दिदैँ कम्मरबाट पछाडी तिर धकल्ने । आफनो घुँडालाई सिधा राख्ने । यो आसनलाई ५ सेकेण्ड गर्ने ।
साइड ग्लाइड : भित्ताबाट करिब २ फिटको दुरीमा सिधा उभिने । आफनो काँधलाई भित्ता तिर ढल्काउने । आफनो खुट्टालाई जोडेर तथा घुँडालाई सिधा राखेर आफनो कम्मरलाई भित्ता तिर लैजाने ।
ढाडको व्यायाम गर्दा
१.पेल्भिक टिल्ट
२. घुँडा छातीमा
३. दुवै घुँडा छातीमा
४.कर्ल अप
५. डायगोनल कर्ल अप
६. हिप रोल्स
७. ब्रिज
८. तल्लो ढाडको स्ट्रेच
९. क्याट स्ट्रेच
१०. ह्यामस्ट्रि स्ट्रेच
११. वाल स्लाइड
१२. प्रेस अप्स
यस किसिमका व्यायाम गर्न सके कुनै पनि रोग सँग सजिलै सँग लड्न सकिने छ ।
तल भएकाे फाेटाे माफर्त पनि व्यायाम गर्न सकिने :
