चोरमारा
मध्यविन्दु ७ चोरमारामा को नवजागरण बहुमुखी क्याम्पसमा आयोजित श्रीमदभागवत पितृमोक्ष धनधान्यान्चल विराट ज्ञान महायज्ञमा आज केदारनाथ धामका पिठाधिस शिवाचार्य महाराज र काली बाबाको आगमनले महायज्ञमा थप रौनकता दिएको छ । आज करिब १२ बजेको समयमा धान्यान्चलमा आउनुभएका काली बाबा केहि समय पश्चात काठमाडौ फर्किए लगत्तै केदारनाथ धामका पिठाधिस शिवाचार्य महाराज आउनुभएको थियो ।
आज उहा देबघाटको स्नान पछि चोरमाराको धान्यान्चलमा आउनुभएको हो । उहाको आगमनबाट भक्तजनहरुमा हर्षाउल्लास बढ्दै गएको छ। धर्मानुरागीहरुको संख्या पनि बढ्दै गएको क्याम्पस व्यबस्थापन समितिका अध्यक्ष तुलसीराम तिवारीले बताउनुभयो । उहा नबलपुर जिल्लामा करिब ४ दिन सम्म रहने समेत उहाले जानकारी दिनुभएको हो । केदारनाथका पिठाधिस शिवाचार्य महाराजलाई बस्ने बासको व्यबस्था मध्यबिन्दु ७ की लक्ष्मी न्यौपानेले गरेको भन्दै धान्यान्चल मुल समारोह समितिले बिशेष धन्यबाद समेत ज्ञापन गरेको छ ।
यस्तै
नवजागरण बहुमुखी क्याम्पसमा जारी महायज्ञको आज चौथो दिनसम्म करिब साढे ३ करोड दान संकलन भएको छ । आइतबारदेखी संचालनमा रहेको श्रीमद्भागवत पितृ मोक्ष धनधान्याचल बिराट ज्ञान महायज्ञ संचालनको चौथो दिन आज सम्म आइपुग्दा करिब साढे ३ करोड बराबरको रकम दान संकलन भएको आर्थिक समिती संयोजक प्रकाश पङ्गेनीले बताउनुभयो ।
महायज्ञमा करिब १५ करोड संकलन गर्ने उद्देश्य राखिएकोमा दान गर्ने दानदाताहरुको संख्यादिनप्रतिदिन बढ्दै गइरहेको समेत आर्थीक संयोजक पंगेनिले बताउनुभएको हो । त्यस्तै अन्य प्रत्यक्ष तथा अप्रत्यक्ष रुपमा पनि दान रकमको प्रतिबद्धता गरेको उहाले जानकारी दिनुभएको हो ।
महायज्ञमा अबधिभर पण्डित नेत्रप्रसाद पराजुलीले श्रीमद्भागवत कथा वाचन गर्नुभएको छ भने दिवाकालीन र रात्रिकालीन अबधिभर बिभिन्न झाकी तथा भजन किर्तन भइरहेको क्याम्पस व्यबस्थापन समितिका उपसंयोजक केदारप्रसाद पराजुलीले बताउनुभएको छ ।
महायज्ञमा केदारनाथका पिठाधिश जगतगुरु शिवाचार्य महाराजद्वारा पितृ मोक्षका लागि बिशेष पुजाको ब्यवस्था गरिएको छ भने दुर्घटनामा (सडक दुर्घटना,आगलागी,प्राकृतिक प्रकोप,बन्यजन्तुको आक्रमण र अन्य ) परि अल्पआयुमै मृत्युु बरण गरेका मानिसहरुको आत्माशान्तिका नारायणवलि सहितको विशेष पुजा गरिने क्याम्पसका प्रधान संरक्षक बिष्णु कुमार कार्कीले बताए ।
क्याम्पसमा अध्ययन गर्ने विधार्थीहरुका लागी सर्वशुलभ शिक्षाको व्यवस्था गर्ने, क्याम्पसलाई भौतिक सुविधायुक्त बनाई गुणस्तर सुनिश्चितता प्रत्यायन क्यु ए ए प्राप्त गराउन, स्नातक तहमा समयसापेक्ष प्राविधिक शिक्षा तथा छात्रावास सन्चालन गर्न, अति विपन्न परिवारका विद्यार्थीहरुलाई छात्रवृती प्रदान गराउने उदेश्यले पितृ मोक्ष बिराट ज्ञान महायज्ञको आयोजना गरिएको धान्यान्चल संयोजक चेतनाथ तिवारीले बताउनुभएको छ ।
