देवचुली,
आभानी मिडिया प्रा.लि द्धारा संचालित ह्याप्पी एफ.एमको पाचौँ बार्षिक उत्सवको अवसरमा आयोजना गरिएको भिजिट देवचुली पर्यटन उत्सव (आज) दोस्रो दिन विभिन्न सांस्कृतिक कार्यक्रम गरि सम्पन्न भएको छ । कार्यक्रमको अध्यक्षता आभानी मिडिया प्रा.लिका अध्यक्ष डिल्लीराम कडरिया रहनुभएको थियो भने प्रमुख आतिथ्तयता पुर्व माननीय संविधान सभा सदस्य कृष्ण पौडेलले गर्नुभएको थियो ।
यस्तै विशेष अतिथीका रुपमा दलदले धौवदी मोटर बाटो उपभोक्ता समितिका अध्यक्ष राम प्रसाद शर्मा, जनज्योती नमुना माध्यमिक विधालयका अध्यक्ष तिल प्रसाद काफ्ले, प्रगतिनगर खानेपानी तथा सरसफाई उपभोक्ता समितिका अध्यक्ष खिमानन्द भुसाल, नेकपा नगर अध्यक्ष प्रेमा खनाल, देवचुली नगरपालिका वडा नं १२ का वडा अध्यक्ष दिनानाथ भुसाल, देवचुली नगरपालिका युवा तथा खेलकुद समितिका अध्यक्ष भिमलाल तिवारी, लगायतको उपस्थिती रहेको थियो ।
कार्यक्रममा बोल्दै प्रमुख अतिथी रहनुभएका पौडेलले समाजमा रहेका कला र संस्कृतिलाई जागरण गर्न उत्सवको ठुलो भुमिका रहने बताउदै संचारमाध्यमले गरेको यस्तो उद्धाहरणीय कार्यले धेरै ठुलो महत्वपुर्ण योगदान रहने बताउनुभएको थियो । उहाँका अनुसार उत्सवले स्थानीय क्षेत्रमा उत्पादन भएका कृषि वस्तुलार्ई बजारीकरण गर्न मद्धत पुराउने बताउनुभएको थियो ।
कार्यक्रममा राष्ट्रिय लोक दोहोरी गीत प्रतिष्ठान नेपालका सदस्य कलाकार सपना परियार र सम्भु थापाले सल्ला धुपै जस्ता चर्चित गीत सँगै दोहोरी गाएर उपस्थित दर्शकहरुलाई भरपुर्ण मनोरञ्जन दिएका थिए भने स्थानीय कलाकारहरुले पनि आफ्नो प्रतिभा प्रस्तुत गरेका थिए ।
मंसिर सात गते शनिबार सरु गौतम, डिजराज पौडेल, टार्जन राज कोटी (कमेडियन), सपना परियार, सम्भु थापा लगायतका कलाकारहरुको प्रस्तुती रहने छ भने दिउँसो १ बजेबाट रेस्लिङ्ग धमाका हुनेछ । उतसवमा हजारौँ दर्शको उपस्थिती रहेको थियो ।
