सवारी चालक अनुमतिपत्र नवीकरणको काम अब हटौँडाबाट पनि

देश

गृहपृष्ठ
देश

सवारी चालक अनुमतिपत्र नवीकरणको काम अब हटौँडाबाट पनि

ह्याप्पी टाइम्स 2076-02-08

मकवानपुर –

सवारी चालक अनुमतिपत्र नवीकरण गराउनका लागि विरगञ्ज र काठमाण्डौ धाउँदै आएका हेटौँडा, चितवनलगायतका जिल्लाका बासिन्दाहरुलाई अब सजिलो भएको छ ।सवारी चालक अनुमति पत्रको सेवा बुधबार प्रदेश नम्बर ३ को यातायात व्यवस्था सेवा कार्यालय हेटौँडा ११ थानाभर्‍याङबाट सुरु गरेसँगै थप सहज भएको हो । स्मार्ट सवारी चालक अनुमति पत्रको नवीकरण गरेर बुधबार २६ जनालाई वितरण गरेर कामको सुरुवात गरिएको हो । प्रदेश नम्बर ३ का मुख्यमन्त्री तथा भौतिक पूर्वाधार विकासमन्त्री डोरमणि पौडेलले बुधबार सेवाग्राहीका रुपमा माधव अधिकारी, रमेशकुमार उप्रेती, ऋषिराम घिमिरेलगायतकालाई सवारी चालकको नवीकरण पत्र हस्तान्तरण गर्नुभयो । यहाँबाट नयाँ सवारी दर्ता, कर नवीकरण, सवारी पञ्जीकरण, रुटपरमिट नवीकरण, जाँच पासलगायतका काम सुरु गरिएको कार्यालयले जनाएको छ ।

प्रकाशित मिति: बुधबार, जेठ ८, २०७६ १३:०५