मध्य नेपाल साकोसको रक्तदानमा ३२ जनाले गरे रक्तदान

देवचुली

गृहपृष्ठ
देवचुली

मध्य नेपाल साकोसको रक्तदानमा ३२ जनाले गरे रक्तदान

आदर्श सुशिल आइतबार, वैशाख ७, २०८२

देवचुली

मध्य नेपाल बचत तथा ऋण सहकारी संस्था लिमिटेडले रक्तदान कार्यक्रम सम्पन्न गरेको छ। संस्थाले २७ औँ वार्षिक उत्सवको पूर्वसन्ध्यामा रक्तदान कार्यक्रम सम्पन्न गरेको हो।

संस्थाको शुभकामना सेवा केन्द्रको प्राङ्गणमा गरेको रक्तदानमा ३२ जनाले रक्तदान गरेका छन् ।

May be an image of 3 people and text

जसमा २५ जना पुरुष र ७ जना महिला रहनुभएको छ । रक्तदान कार्यक्रमको अध्यक्षता शुभकामना सेवा केन्द्र व्यवस्थापन उपसमितिका संयोजक हुमकान्त सुवेदीले गर्नुभएको थियो। कार्यक्रममा देवचुली नगरपालिकाका नगर प्रवक्ता तथा वडा नं ११ का वडा अध्यक्ष तिलप्रसाद काफ्ले प्रमुख अतिथि रहनुभएको थियो।

May be an image of 6 people and text

रक्तदान कार्यक्रममा नेपाल रेडक्रस सोसाइटी नवलपुर शाखाका सभापति डिल्लीराम कडरियाको समेत उपस्थिति रहेको थियो। प्रमुख अतिथि तथा विशेष अतिथिले सेयर सदस्य रोहित पियालाई रक्त संकलक ब्याग हस्तान्तरण गरी रक्तदान कार्यक्रमको शुभारम्भ गरिएको थियो। कार्यक्रमको सहजीकरण शुभकामना सेवा केन्द्र प्रमुख नर्मदा चापागाईले गर्नुभएको थियो।

प्रकाशित मिति: आइतबार, वैशाख ७, २०८२ २०:०५