देवचुली
राष्ट्रिय परीक्षा बोर्ड, परीक्षा नियन्त्रण कार्यालयले माध्यमिक शिक्षा परीक्षा (एसईई) को तयारी पूरा भएको जानकारी दिएको छ ।
परीक्षा नियन्त्रण कार्यालय, कक्षा १० का परीक्षा नियन्त्रक नन्दलाल पौडेलका अनुसार यही चैत ७ गतेदेखि देशभर एकसाथ शुरु हुने एसईई परीक्षाको सबै तयारी पूरा भएको र परीक्षाका लागि आवश्यक प्रश्नपत्र, सिम्बोल नम्बर, उत्तरपुस्तिका र अन्य सामग्री प्रत्येक जिल्लामा पुगिसकेको छ ।
यसै अनुरूप नवलपुर जिल्लाबाट यस वर्षको माध्यमिक शिक्षा परीक्षा (एसईई) मा जम्मा ६ हजार ४ सय ८२ जना विद्यार्थी सहभागी हुँदै छन्। यस वर्ष नवलपुर जिल्लामा ८६ वटा सामुदायिक विद्यालय , ४९ वटा संस्थागत विद्यालय , ५ वटा गुरुकुल , ८ वटा प्राविधिक धारका विद्यालय र १ खुला विद्यालयका गरि नियमित तर्फ ५ हजार ७ सय ७१ जना र गत वर्षका ग्रेडवृद्धि विद्यार्थी सङ्ख्या ७ सय ११ गरि ६ हजार ४ सय ८२ जना विद्यार्थी सहभागी हुँदैछन्।
जिल्लामा देवचुली नगरपालिकाको भिमसेन आदर्श नमुना माध्यमिक विद्यालयले सबै भन्दा धेरै र सबैभन्दा थोरै विद्यार्थी सङ्ख्या सहभागी गराउने विद्यालयमा गैडाकोट नगरपालिकाको श्रीमद् रामानुज वेद विद्याश्रम रहेको जिल्ला शिक्षा विकास तथा समन्वय इकाई नवलपुरका परीक्षा शाखा प्रमुख सन्तोषी भण्डारीले जानकारी दिनुभएको छ।
एसईई परीक्षामा धेरै विद्यार्थी सहभागी गराउने ५ विद्यालय
१. भिमसेन आदर्श नमुना माध्यमिक बिधालय , देवचुली - २३८
२. जनक माध्यमिक विद्यालय , गैँडाकोट - १९२
३. नेपाल माध्यमिक विद्यालय , देवचुली १ - १७७
४. दिपेन्द्र माध्यमिक विधालय , सर्दी - १६५
५. कालिका माध्यमिक विधालय , गैँडाकोट - १३३
एसईई परीक्षामा थोरै विद्यार्थी सहभागी गराउने ५ विद्यालय
१. श्रीमद् रामानुज वेद विद्या आश्रम , गैँडाकोट - ३ जना
२. मुक्तिनाथ पीठ वेद विद्याश्रम , गजग्रहधाम , त्रिवेणी - ४ जना
३. सिद्धि विद्या आश्रम माध्यमिक विधालय , बौदिकाली - ४ जना
४. बेल भन्ज्याङ माध्यमिक विद्यालय , रकुवा - ५ जना
५. वैदिक कर्मकाण्ड गुरुकुल , देवचुली २ - ८ जना
