देवचुली
देवचुलीको फारममा जारी चौथो देवचुली मेयर कप फुटबल प्रतियोगितामा भएको दोस्रो सेमी फाइनल खेलमा जित निकाल्दै गैँडाकोट फुटबल क्लब फाइनलमा पुग्न सफल भएको छ।
बिहिबारको खेलमा प्रगतिकला मन्दिर युवा क्लबलाई २-१ गोल अन्तरले गोल अन्तरले पराजित गर्दै गैँडाकोट फुटबल क्लबले फाइनलमा आफ्नो भेट अभिषेक चर्च रजहर सँग सुनिश्चित गरेको हो।
देवचुलीको फारममा रहेको बरचुली माध्यमिक विद्यालयको खेल मैदानमा भएको खेलमा उत्कृष्ट प्रदर्शन गर्दै गैँडाकोट फुटबल क्लबका जर्सी नम्बर १ का सजिन मगर म्यान अफ दि म्याच हुन सफल भएका थिए। यो सँगै उपाधिको लागी शनिबार गैँडाकोट फुटबल क्लब र अभिषेक चर्च रजहर आमनेसामने हुने आयोजकले जनाएको छ ।
बिहिबारको खेलमा म्यान अफ दि म्याच हुन सफल सजिन मगरलाई नेपाली काँग्रेसका पूर्व महामन्त्री एवम् सङ्घीय सांसद डा. शशाङ्क कोइराला , उद्योग वाणिज्य महासङ्घ गण्डकीको अध्यक्ष एवम् नवलपुरको प्रतिनिधि सभा क्षेत्र नं १ को सभापति अमृत भट्टचन तथा स्थानीय क्रसर व्यवसायी तथा समाजसेवी रविलाल सापकोटाले पुरस्कार प्रदान गर्नुभएको थियो भने सेमी फाइनलसम्म को यात्रा तय गर्ने प्रगतिकला मन्दिर युवा क्लब र पटिहानी फुटबल क्लबलाई जनही २०/२० हजार समेत प्रदान गरिएको छ।
देवचुलीको फारममा रहेको बरचुली माध्यमिक विद्यालयको खेल मैदानमा सुरु भएको प्रतियोगितामा प्रथम तथा द्वितीय हुने समुहले क्रमश रु १ लाख ५५ हजार र ८१ हजार नगदको साथमा ट्रफी र प्रमाणपत्र प्राप्त गर्नेछ।
यसैगरी प्रतियोगिताको सर्वोत्कृष्ट खेलाडीलाई रु ५ हजार, उत्कृष्ट गोल रक्षकलाई रु ५ हजार, सर्वाधिक गोलकर्तालाई रु ५ हजार र हरेक दिनका म्यान अफ द म्याचलाई एक र एक हजारको दरले पुरस्कृत गरिनेछ । प्रतियोगितामा नवलपुरसहित पश्चिम नवलपरासी र चितवनका गरी १५ वटा टिमको सहभागिता रहेको थियो ।
