देवचुली
देवचुलीको फारममा जारी चौथो देवचुली मेयर कप फुटबल प्रतियोगितामा दोस्रो चरणको खेल अन्तर्गत मङ्गलबारको खेलमा गैंडाकोट फुटबल क्लब बिजयी भएको छ।
देवचुलीको फारममा रहेको बरचुली माध्यमिक विद्यालयको खेल मैदानमा संचालन भइरहेको खेलमा देवचुली १ खेलकुद बिकास समितिलाई ३-१ गोल अन्तरले पराजित गर्दै गैंडाकोट फुटबल क्लब सेमिफाइनल प्रवेश गरेको हो।
गैंडाकोट फुटबल क्लबको जितको लागी महत्वपुर्ण योगदान पुर्याएका दिवस नेपालि आजको म्यान अफ द म्याच हुन सफल भएका थिए भने उनलाई बिनई सर्दी बालुवा तथा गिटी प्रशोधन उद्योगका संचालक गिरिराज गौतम , सिद्धिविनायक इन्टरप्राइजेज एण्ड हार्डवेयर देवचुली १७ का संचालक सन्तोष अर्याल र मनकामना इन्टरप्राइजेज एण्ड हार्डवेयरका संचालक राजेश गौतम लगायतका अतिथिहरुले पुरस्कार वितरण गरेका थिए।
प्रतियोगिताका सह संयोजक सन्दिप पौडेलले सहजीकरण गरेको कार्यक्रममा देवचुली युवा तथा खेलकुद बिकास समितिका अध्यक्ष दिपक चन्द्र भट्टराइको अध्यक्षता संगै देवचुली १ का वडा अध्यक्ष कृष्ण बहादुर केसी , देवचुली ५ का वडा अध्यक्ष कृष्ण प्रसाद सापकोटा , देवचुली युवा तथा खेलकुद बिकास समितिका पुर्व अध्यक्ष सुवास ओझा , देवचुली १ का वडा सदस्य अजय थनेत , जागृति बाल तथा युवा सरोकार नेपालका महा सचिव दिपक शर्मा लगायताका व्यक्तित्वको आतिथ्यता रहेको थियो।
देवचुलीको फारममा रहेको बरचुली माध्यमिक विद्यालयको खेल मैदानमा सुरु भएको प्रतियोगितामा प्रथम तथा द्वितीय हुने समुहले क्रमश रु १ लाख ५५ हजार र ८१ हजार नगदको साथमा ट्रफी र प्रमाणपत्र प्राप्त गर्नेछ।यसैगरी सेमिफाइनल पुग्ने दुई टिमलाई रु २० हजार, सर्वोत्कृष्ट खेलाडीलाई रु ५ हजार, उत्कृष्ट गोल रक्षकलाई रु ५ हजार, सर्वाधिक गोलकर्तालाई रु ५ हजार र हरेक दिनका म्यान अफ द म्याचलाई एक र एक हजारको दरले पुरस्कृत गरिनेछ ।
प्रतियोगितामा नवलपुरसहित पश्चिम नवलपरासी र चितवनका गरी १५ वटा टिमको सहभागिता रहेको छ। प्रतियोगितामा बुधबार अभिषेक चर्च रजहर र पटिहानी युवा क्लब बीच खेल हुनेछ।
