गैँडाकोटको होटल पौवामा महाशिवरात्रि मनाइने

गैंडाकोट

गृहपृष्ठ
गैंडाकोट

गैँडाकोटको होटल पौवामा महाशिवरात्रि मनाइने

राजन थकाली शनिबार, फागुन १०, २०८१

गैँडाकोट
गैँडाकोट १२ मा रहेको होटल पौवामा महाशिवरात्रिको अवसरमा विशेष कार्यक्रम हुने भएको छ। नेपाली आतिथ्य सेवा प्रदान गर्दै आएको होटल पौवाले पछिल्लो समय नेपालका विभिन्न धार्मिक, सांस्कृतिक पर्वहरूमा विशेष कार्यक्रमहरू गर्दै आइरहेको छ ।

यसै क्रममा फाल्गुन १४ गते परेको महाशिवरात्रिको अवसरमा विशेष भजन कार्यक्रमको आयोजना गरिएको होटल पौवा नवलपुर शाखाका प्रबन्धक सालिक राम खरेल ( निशान खरेल ) ले जानकारी दिनुभएको छ।
होटल पौवाले यस क्षेत्रमा रहेर नेपाली कला, संस्कृति, भाषा, धर्म, पर्व र रैथाने खानाहरूलाई प्रवर्द्धन गर्दै आइरहेको छ । नेपाली संस्कृतिलाई जगेर्ना गर्ने र धार्मिक तथा सांस्कृतिक पर्यटनलाई प्रवर्द्धन गर्ने उद्देश्यले कार्यक्रमको आयोजना गरिएको प्रबन्धक खरेलले बताउनुभएको छ।

हाल होटल पौवाको गण्डकी प्रदेशमा २ ,लुम्बिनी प्रदेशमा ९ , सुदूरपश्चिम प्रदेशमा १ , कर्णाली प्रदेशमा १ , बागमती प्रदेशमा ३ र कोशी प्रदेशमा १ शाखा गरि १७ शाखा मार्फत नेपाली संस्कृति, परम्परा, र धार्मिक महत्वका उत्सवहरूलाई आफ्नो आतिथ्य सेवाबाट समृद्ध बनाउने उद्देश्यले विभिन्न कार्यक्रमहरू सञ्चालन गर्दै आएको छ ।

प्रकाशित मिति: शनिबार, फागुन १०, २०८१ २१:१०