देवचुली
देवचुली १२ मा रहेको दिव्यज्योति आधारभूत विद्यालयले ४३ औं वार्षिकोत्सव एवम् अभिभावक दिवस तथा ७५ औं प्रजातन्त्र दिवस समारोह सम्पन्न गरेको छ।
विद्यालयका व्यवस्थापन समितिका अध्यक्ष महारुद्र पाण्डेको अध्यक्षतामा सँगै देवचुली नगरपालिकाका नगर प्रमुख हरि प्रसाद न्यौपानेको प्रमुख आतिथ्यता रहेको कार्यक्रममा विद्यार्थी तथा अभिभावकहरूलाई पुरस्कार वितरण गरिएको थियो।
विद्यालयका सहायक प्रधानाध्यापक घनश्याम बराल र शिक्षक तिलक प्रसाद सुबेदीको सहजीकरण रहेको कार्यक्रममा विद्यालयमा सम्पन्न विभिन्न खेलकुद प्रतियोगितामा बिजयी हुन सफल अभिभावक तथा विद्यार्थीहरुलाई पुरस्कृत गरिएको थियो। विद्यालयका प्रधानाध्यापक मैना कुमारी श्रेष्ठको स्वागत मन्तव्य रहेको कार्यक्रममा विद्यालयका पूर्व प्रधानाध्यापक पुरुषोत्तम न्यौपाने , पूर्व विद्यालय व्यवस्थापन समितिका अध्यक्ष द्वय नारायण दत्त भुर्तेल र रेशमलाल चापागाईं , देवराज काफ्ले तथा कार्यपालिका सदस्य फुलमाया बिक लगायतका अतिथिहरूको शुभकामना मन्तव्य रहेको थियो।
सोही कार्यक्रममा विद्यार्थीको तर्फबाट कक्षा ८ मा अध्ययनरत रसिद मिया र विद्यालयमा रहेको बाल क्लबका अध्यक्ष आयुष भुसाल द्वयको स्वागत मन्तव्य तथा विद्यार्थी द्वय संजिता बिक र जानुका पौडेलले स्वागत गान गाएका थिए।
कार्यक्रममा विद्यालयका पूर्व विद्यार्थी अर्जुन पाण्डेले ३० जना जेहेन्दार विद्यार्थीहरूलाई स्टेसनरी सामाग्री वितरण गरेका थिए भने अभिभावक दीपक भण्डारीले एक जना विद्यार्थीलाई वार्षिक सहयोग शुल्क ७ हजार २ सय ( मासिक तथा खाजा सहित ) सहयोग गर्नुभएको थियो। विद्यालयका प्रधानाध्यापक मैना कुमारी श्रेष्ठले विद्यालय प्रधानाध्यापकको प्रतिवेदन प्रस्तुत गर्नुहुँदै विद्यालयले हाल सम्म गरेका कार्य र उपलब्धीहरूको जानकारी गराउनुहुँदै भावी योजनाहरू प्रस्तुत गर्नुभएको थियो।
विधालयले आफ्नो स्थापनाको अवसर पारी विद्यालयका पूर्व प्रधानाध्यापक , पूर्व विद्यालय व्यवस्थापन समितिका अध्यक्ष ,पूर्व शिक्षक अभिभावक संघका अध्यक्ष , २६ जना अक्षयकोष संरक्षक सहित चन्दादाताहरुलाई सम्मान गरेको छ।
साथमा विधालयले शिक्षक विदाई तथा सम्मान , दिर्घसेवि शिक्षक सम्मान, सहयोगि संस्था सम्मान लगायतका कार्यक्रम समेत सम्पन्न गरेको छ। विद्यालयका प्रधानाध्यापक मैना कुमारी श्रेष्ठका अनुसार स्थानिय शिक्षाप्रेमी पुमकान्त बसेलले मन्च निर्माणमा लाग्ने सम्पूर्ण खर्च व्यहोर्ने प्रतिवद्धता ब्यक्त गर्नुभएको थियो।
