देवचुली
देवचुली नगरपालिकाको गौरवको रुपमा आयोजना हुन लागेको ५ औं देवचुली महोत्सवको लागी छलफल सुरु भएको छ।
हरेक दिन विभिन्न सरोकारवाला निकाय सँग छलफल गर्ने क्रममा आज शुक्रबार देवचुली नगरपालिकाका वडा अध्यक्षहरू छलफल गरिएको छ। देवचुली उद्योग वाणिज्य सङ्घले आगामी फाल्गुन १२ गतेदेखि २५ गतेसम्म आयोजना गर्ने महोत्सवको लागी छलफल गरिएको हो।
देवचुली उद्योग वाणिज्य सङ्घका अध्यक्ष सूर्य प्रसाद दवाडीको अध्यक्षतामा भएको छलफल कार्यक्रममा उपस्थित सम्पूर्ण वडा अध्यक्षहरूले आआफ्नो तर्फबाट सक्दो सहयोग गर्ने बताएका छन्।
सङ्घका महासचिव बिनोद सिलवालको सहजीकरण रहेको छलफलमा वडा अध्यक्षहरूले महोत्सवको उद्घाटन समारोहमा हुने शोभायात्रामा आफ्नो वडामा रहेका आमा समूह , टोल विकास संस्था तथा अन्य संस्थाहरूलाई वृहत रुपमा उपस्थित गराउने र महोत्सव परिसरमा निर्माण गरिने सांस्कृतिक पहिचान झल्कने घर तथा वस्तुहरूको प्रदर्शन गर्न वडा स्तर बाटै सहयोग गर्ने बताएका थिए।
शुक्रबार सम्पन्न छलफलमा देवचुली नगरपालिकाका प्रवक्ता एवं देवचुली ११ का वडा अध्यक्ष तिल प्रसाद काफ्ले , देवचुली नगरपालिका अन्तर्गत वडा न १ का वडाध्यक्ष कृष्ण बहादुर केसी , वडा न ९ का वडाध्यक्ष बलिराम सापकोटा , वडा न १० का वडाध्यक्ष रेप्ति कुमार घर्ती , वडा न १२ का वडाध्यक्ष लोक प्रसाद भुर्तेल , वडा न १३ का वडाध्यक्ष एकदेव पौडेल ,देवचुली उद्योग वाणिज्य सङ्घका निवर्तमान अध्यक्ष रेशमलाल सापकोटा , निवर्तमान बरिष्ठ उपाध्यक्ष सत्यनारायण भुसाल , सचिव तिला देवी अर्याल लगायतका व्यक्तिहरूको उपस्थिति रहेको थियो।
