पाँचौँ देवचुली महोत्सव फागुन १२ देखि २५ सम्म

देवचुली

गृहपृष्ठ
देवचुली

पाँचौँ देवचुली महोत्सव फागुन १२ देखि २५ सम्म

आदर्श सुशिल मंगलबार, माघ २९, २०८१

देवचुली,

देवचुली उद्योग वाणिज्य संघको आयोजनामा आगामी फाल्गुन १२ गतेबाट २५ गतेसम्म पाँचौं संस्करणको देवचुली महोत्सव आयोजना गरिने भएको छ। मंगलबार देवचुली उद्योग वाणिज्य संघको सभाहलमा पत्रकार सम्मेलनको आयोजना गरी महोत्सव गर्न लागिएको जानकारी दिइएको हो। दुई हप्तासम्म चल्ने महोत्सव देवचुली १४, छत्तिसघरमा गरिने देवचुली उद्योग वाणिज्य संघका अध्यक्ष सूर्यप्रसाद दवाडीले जानकारी दिनुभयो । अध्यक्ष दवाडीले दिवचुली महोत्सवमा १५० वटा भन्दा बढी व्यापारिक स्टल, २० वटा कृषि, पर्यटन, शिक्षा, स्वास्थ्य लगायतका प्रवद्धानत्मक स्टल, ६० भन्दा बढी राष्ट्रिय र स्थानीय कलाकारको सहभागिता हुने साथै १ लाख ५० हजार दर्शक भित्र्याउने र १५ करोडको कारोबार गर्ने लक्ष्य राखिएको बताउनुभयो । उद्योग वाणिज्य संघका महासचिव विनोद सिलवालले महोत्सवमा विभिन्न जातजातिका संस्कृति झल्कने जातीय घरहरू बनाउने र जातीय पहिचानका परिकारहरु पनि बिक्री वितरण गर्ने भएकाले महोत्सव थप आकर्षक हुने बताउनुभयो । देवचुली उद्योग वाणिज्य संघका संस्थापक अध्यक्ष धर्मराज बस्यालले नगरपालिकामा भएका धार्मिक, पर्यटकीय क्षेत्रहरूको प्रवर्द्धन गरिने र पर्यटकीय सम्भावनालाई उजागर गर्ने देवचुली महोत्सवको उद्देश्य रहेको बताउनुभयो।

476757780_1304411090608141_581259557102373370_n-1739274565.jpg
देवचुली उद्योग वाणिज्य सङ्घका निवर्तमान अध्यक्ष रेशमलाल सापकोटाले नगरपालिकाका स्थानीय सरोकारवाला र नवलपुरका मिडियाहरुले पहिलो देवचुली महोत्सवबाटै देवचुली उद्योग वाणिज्य संघलाई साथ, सहयोग गर्दै आइरहनु भएकोमा धन्यवाद ज्ञापन गर्नुभयो । संस्थाका पूर्व वरिष्ठ उपाध्यक्ष सत्यनारायण भुसालले देवचुली नगरपालिका पहाडी पालिका जोड्ने मुख्य नाका भएकाले अन्य महोत्सवहरूभन्दा देवचुली महोत्सवमा दर्शकको उपस्थिति उल्लेख्य हुने बताउनुभयो।

475701968_1125134826070908_700754768853931013_n-1739274498.jpg
महोत्सव व्यवस्थापक संस्था नेपथ्य इन्टरटेनमेण्टका प्रबन्ध निर्देशक राजकुमार सिग्देलले देवचुली नगरपालिका भित्रका सम्पूर्ण आमा समूह, टोल सुधार समिति लगायतका सरोकारवालाहरूसँग समन्वय र सहकार्य गर्दै सबैलाई पाँचौं देवचुली महोत्सव आफ्नो महोत्सव भएको अपनत्व ग्रहण गराउनुपर्ने बताउनुभयो । पत्रकार सम्मेलनमा पत्रकारहरूले महोत्सवमा जनजातिहरूको सहभागिता, पिङ झुलाहरूबाट नेपाली रकम भारत जाने सन्दर्भ र कलाकारहरू ल्याउँदै गर्दा त्यसबाट फैलिन सक्ने विकृति विसंगतिका बारेमा समेत प्रश्न गर्नुभएको थिए।