नेक्सस मन्टेश्वरी स्कुलको ९औं बार्षिकोत्सव सम्पन्न

देवचुली

गृहपृष्ठ
देवचुली

नेक्सस मन्टेश्वरी स्कुलको ९औं बार्षिकोत्सव सम्पन्न

हेर्नेपाटी शनिबार, माघ १९, २०८१

देवचुली/

देवचुली नगरपालिकाको दलदलेमा रहेको नेक्सस मन्टेश्वरी स्कुलले ९ औं बर्षिकोत्सव सम्पन्न गरेको छ। बिहिवार विद्यालयले एक कार्यक्रमको आयोजना गरि बार्षिकोत्सव तथा अभिभावक दिवस सम्पन्न गरेको हो। कार्यक्रमको अध्यक्षता विद्यालय व्यवस्थापन समितिका अध्यक्ष चतुरबहादुर ढकालले गर्नुभएको थियो भने देवचुली नगरपालिका वडा नं १३ का वडाध्यक्ष एकदेव पौडेल कार्यक्रमको प्रमुख अतिथिका रुपमा उपस्थित हुनुहुन्थ्यो। कार्यक्रम आफ्ना मन्तव्य राख्नुहुँदै प्रमुख अतिथि पौडेलले नेक्सस मन्टेश्वरी स्कुलले स्थापना कालदेखी साना नानीबाबुहरुलाई घर कै वातावरणमा अध्ययन अध्यापन गराउने गरेकोमा धन्यवाद व्यक्त गर्नुभयो। उहाँले शिक्षाको पहिलो आधार नै प्रारम्भिक तहको अध्ययन भएकाले मन्टेश्वरी पद्धतिलाई अझै प्रभावकारी बनाउँदै लैजान सुझाव समेत दिनुभयो।

475954612_1338068833784926_7968713444462476017_n-1738386641.jpg
विद्यालयको प्रगति, विद्यार्थीको अवस्था र आगामी दिनका योजना सुनाउँदै विद्यालयका प्रिन्सिपल राजु श्रेष्ठले नेक्सस मन्टेश्वरी स्कुलले विद्यार्थीको सिकाई र व्यवहारिक शिक्षाका लागि आँफूहरु सधै गम्भीर रहेको बताउनुभयो। विद्यार्थीको नृत्य, गायन, संगीत र नाटक मार्फत् प्रतिभा देखाईएको बार्षिकोत्सव कार्यक्रममा नेक्सस मन्टेश्वरीको चिनारी स्वरुप विद्यालय गीत समेत विमोचन गरिएको थियो।

475043504_485809027628059_315960233844018114_n-1738386662.jpg
बार्षिकोत्सव समारोहमा उपस्थित अभिभावकहरुलाई समेत विभिन्न खेलमा सहभागी गराईएको थियो । जसमध्ये पुरुष अभिभावकबाट उत्कृष्ट हुन सफल देवराज सुनारी र हरिकृष्ण न्यौपाने र महिला अभिभावकबाट मञ्जु क्षेत्रीलाई मायाको चिनो सहित पुरस्कृत गरिएको थियो। विद्यालयका सहायक प्रधानाध्यापक विष्णुप्रसाद ढकालले सहजीकरण गर्नुभएको कार्यक्रममा विद्यालय व्यवस्थापन समितिका सदस्यहरु, शिक्षक अभिभावक संघका अध्यक्ष नारायण दवाडी, सदस्यहरु, विद्यालयका निर्देशक रमेश भुर्तेल लगायत अतिथिहरुको उपस्थिति रहेको थियो। विद्यालयका शिक्षिकाहरुले नृत्य प्रस्तुत गर्नुभएको कार्यक्रममा तेस्रो स्तरोन्नति पत्रको नतिजा समेत प्रदान गरिएको थियो।

474684475_541251078960331_2854639005100002853_n-1738386683.jpg
474966852_2140955589652812_117895368379508727_n-1738386702.jpg
475087380_612530348172296_3138874978100516448_n-1738386749.jpg