देवचुलीमा शशांक कोइरालाको सचिवालय उद्घाटन

देवचुली

गृहपृष्ठ
देवचुली

देवचुलीमा शशांक कोइरालाको सचिवालय उद्घाटन

आदर्श सुशिल मंगलबार, माघ ८, २०८१

देवचुली
नवलपुर क्षेत्र नम्बर १ का सङ्घीय सांसद तथा नेपाली कांग्रेसका पूर्व महामन्त्री डा। शशांक कोइरालाको सचिवालय उद्घाटन गरिएको छ । मंलबार देवचुली नगरपालिका वडा नम्बर १३ मा रहेको बीपी स्मृति भवनमा संघीय सांसद कोइरालाको सचिवालय उद्घाटन गरिएको हो।

सचिवालय उद्घाटनमा बोल्दै डाक्टर कोइरालाले आफ्नो निर्वाचन क्षेत्रमा सम्पर्क कार्यालय वा सचिवालय धेरै पहिले खोल्नुपर्ने बताउँदै सबैको साझा सहयोगले आँफूले नवलपुरबाट चार चार पटक निर्वाचन जित्न सफल भएको बताउनुभयो। उहाँले अबका दिनमा नवलपुर क्षेत्र नम्बर १ बाट निर्वाचन नलड्ने भन्दै नयाँ साथीहरुलाई स्थापित गराउन सहयोग गर्ने बताउनुभयो ।

No description available.

डाक्टर शशांक कोइराला विसं २०६४ सालमा पहिलोपटक नवलपरासी क्षेत्र नम्बर १ बाट निर्वाचित हुनुभएको थियो। निर्वाचित भएको करिब १७ वर्षपछि उहाँको सचिवालय उद्घाटन गरिएको हो। सचिवालय उद्घाटन भएपछि संघीय सांसदसँगको निकटता र समस्याहरूको सुनवाईमा सहजता हुने कार्यक्रममा उपस्थित नेपाली कांग्रेसका नेता कार्यकर्ताको भनाइ थियो।

No description available.

सचिवालय समुद्घाटन कार्यक्रम नेपाली कांग्रेसका नवलपुर क्षेत्र नम्बर १ का सभापति अमृत भट्टचनको अध्यक्षतामा भएको थियो। देवचुली नगरपालिकाका नगर सभापति डिल्लीराम कडरियाको स्वागत मन्तव्य रहेको कार्यक्रमको सहजीकरण नगर सदस्य बालकृष्ण काफ्लेले गर्नुभएको थियो। सचिवालय उद्घाटन कार्यक्रममा काङ्ग्रेस नेताहरु विष्णु लामिछाने, बालकृष्ण घिमिरे लगायत नेपाली कांग्रेसका नेता कार्यकर्ताको उपस्थिति रहेको थियो।

प्रकाशित मिति: मंगलबार, माघ ८, २०८१ १९:३५