नवलपुरको विनयी त्रिवेणीको पुल भासिँदा राजमार्ग अवरुद्ध

विनयी त्रिवेणी

गृहपृष्ठ
विनयी त्रिवेणी

नवलपुरको विनयी त्रिवेणीको पुल भासिँदा राजमार्ग अवरुद्ध

एलिना केसी शुक्रबार, पुस २६, २०८१

नवलपुर,

पूर्वपश्चिम राजमार्गमा पर्ने नवलपुरको विनयी खोलाको पुल भासिँदा राजमार्ग नै अवरुद्ध भएको छ । नवलपुरको विनयी त्रिवेणी गाउँपालिका वडा नं २ मा पर्ने विनय खोलाको पुल भासिँदा यतिबेला पूर्वपश्चिम राजमार्ग भएर यात्रा गर्ने यात्रुहरू अलपत्र परेका छन् ।

शुक्रबार साँझ करिब ५ बजे पुलमा मालबाहक सवारी गुड्ने क्रममा बिच भागबाट आफै भाँचिएको जिल्ला प्रहरी कार्यालय नवलपुरले जनाएको छ । पुल भाँचिएपनि कुनै सवारी तथा मानवीय क्षति भने नभएको जनाइएको छ । पुल तत्काल निर्माण गर्न सकिने अवस्था नरहेको र वैकल्पिक सडक निर्माणको लागि डाइभर्सनकाे तयारी अगाडि बढेको छ ।
पूर्वपश्चिम राजमार्ग अन्तर्गत नारायणगढ–बुटवल सडकखण्ड यतिबेला निर्माणको क्रममा रहेको छ । चाइना कन्स्ट्रक्सनले निर्माणको ठेक्का लिएको ५ वर्ष बितिसक्दा पनि समयमा कार्य नहुँदा साना तथा ठूला घटनाहरू दैनिक रुपमा घटिरहेका छन् ।

प्रकाशित मिति: शुक्रबार, पुस २६, २०८१ १९:१२