देवचुलीमा महिलाहरुको स्तन तथा पाठेघर क्यान्सरको रोकथामका लागि निःशुल्क शिविर

देवचुली

गृहपृष्ठ
देवचुली

देवचुलीमा महिलाहरुको स्तन तथा पाठेघर क्यान्सरको रोकथामका लागि निःशुल्क शिविर

एलिना केसी बिहीबार, पुस २५, २०८१

देवचुली,

देवचुली नगरपालिका स्वास्थ्य शाखाको आयोजना र दिव्यपुरी महिला स्वाबलम्बन बहुउदेश्यीय सहकारी संस्था केउरेनीको समन्वयमा स्तन तथा पाठेघर क्यान्सरको रोकथामका स्क्रीनिङ्ग तथा स्त्रीरोग सम्बन्धी निशुल्क स्वास्थ्य शिविर सम्पन्न भएको छ । 472304420_521515066885644_6968643291970443063_n-1736425591.jpg
बिहिबार दिव्यपुरी खानेपानीको सभाहलमा भएको निःशुल्क शिविरमा स्थानीय महिलाहरुको बाक्लो उपस्थिति रहेको थियो । पाठेघर क्यान्सर सम्बन्धी स्वास्थ्य शिविरमा १ सय २७ जना महिलाले स्वास्थ्य परीक्षण गराएका छन् ।

परिक्षणमा पाठेघरमा मासु पलाएका ७ जना, व्रेष्टमा मासु पलाएको १ जना, पाठेघर झरेको २ जना र अन्य पाठेघरमा समस्या भएका १० जना फेला परेको छन् । यसैगरि १४ जनालाई थप परिक्षणका लागि रिफर गरिएको नगर अस्पताला डा.समिर शर्माले जानकारी दिनुभएको छ । 473079341_1004830988327581_5551165718140466186_n-1736425647.jpg
देवचुली नगर अस्पतालको प्राविधिक सहयोगमा गरिएको सो निःशुल्क स्वास्थ्य शिविरमा महिलाको पाठेघरको क्यान्सरबारे परीक्षण गर्नुका साथै औषधिसमेत वितरण गरिएको थियो ।
कार्यक्रममा देवचुली नगरपालिकाका स्वास्थ्य शाखा प्रमुख रामकुमार श्रेष्ठ, देवचुली नगरपालिकाका प्रमुख प्रशासकीय अधिकृत दिवाकर पौडेल, देवचुली नगरपालिका वडा नं ३ का वडाध्यक्ष होमनाथ पौडेल, स्वास्थ्य शाखा सि.अ.हे.व पिताम्बर भुर्तेल, स्वास्थ्य शाखा सि.अ.न.मी सिता न्यौपाने, दिव्यपुरी महिला स्वाबलम्बन बहुउदेश्यीय सहकारी संस्थाका अध्यक्ष रेनुका बस्ताकोटी, दिव्यपुरी खानेपानी तथा सरसफाई उपभोक्ता संस्थाका अध्यक्ष तिल प्रसाद पाठक, दुम्कौली नगर अस्पतालका निमित्त कार्यालय प्रमुख चित्रहादुर सुनार लगायतको उपस्थिति रहेको थियो । 472746157_1004830534994293_5743123079474877597_n-1736425723.jpg
स्वास्थ्य शाखा प्रमुख राम कुमार श्रेष्ठले समयमै रोगको पहिचान, निदान र उपचारमा सहजताका लागि प्रत्येक वर्ष विभिन्न ठाउँमा पाठेघरको क्यान्सर सम्बन्धी निःशुल्क स्वास्थ्य शिविर गर्दै आइरहेको बताउनुभएको छ । महिलाहरुमा पाठेघरको मुखको क्यान्सर बढ्दै जान थालेपछि समयमै पहिचान गरी क्षति कम गर्न सहज होस् भन्ने उद्देश्यले शिविर संचालन गरिएको उहाँले बताउनुभयो ।

पाठेघर सम्बन्धि समस्या भएका महिलाहरुले समयमै स्वास्थ्य परिक्षण गराई मौकाको फाईदा उठाउन समेत नगरपालिकाले अनुरोध गरेको छ । महिलाहरुको स्तन तथा पाठेघर क्यान्सरको रोकथामका लागि निःशुल्क शिविर देवचुली नगरपालिकाका विभिन्न ५ वटा वडामा ५ दिन संचालन हुने स्वास्थ्य शाखा सि.अ.न. 472870958_1004830318327648_5413337670443931405_n-1736425800.jpg
मी सिता न्यौपानेले हेर्नेपाटीलाई जानकारी दिनुभयो ।