सामुदायिक प्राकृतिक चिकित्सालय रजहरमा प्राकृतिक चिकित्सा सम्बन्धी अभिमुखीकरण सम्पन्न

देवचुली

गृहपृष्ठ
देवचुली

सामुदायिक प्राकृतिक चिकित्सालय रजहरमा प्राकृतिक चिकित्सा सम्बन्धी अभिमुखीकरण सम्पन्न

हेर्नेपाटी मंगलबार, पुस २३, २०८१

देवचुली
देवचुली १६ रजहरमा गत पौष २१ गते देखि सुरु भएको ३ दिने आयुर्वेद चिकित्सकहरूका लागि प्राकृतिक चिकित्सा सम्बन्धी अभिमुखीकरण आज मङ्गलबार सम्पन्न भएको छ। सामुदायिक प्राकृतिक चिकित्सालयमा सञ्चालित अभिमुखीकरण कार्यक्रमको अन्तिम दिन आयुर्वेद तथा वैकल्पिक चिकित्सा विभागका उप सचिव प्रेमकाजी महर्जनको अध्यक्षता सँगै सामुदायिक प्राकृतिक चिकित्सालयका सचिव प्रदिपराज घिमिरेको प्रमुख आतिथ्यता रहेको थियो।

May be an image of 8 people, dais and text

आयुर्वेद तथा वैकल्पिक चिकित्सा विभाग टेकुको आयोजनामा सञ्चालित अभिमुखीकरणमा विशेषत प्राकृतिक चिकित्साको परिचय, उपयोगिता, सबल पक्ष, पञ्च महाभूत चिकित्सा अवधारणा तथा व्यवहारिक पक्ष, प्राकृतिक चिकित्सा अनुसार स्वास्थ्य तथा विकार तथा यसको प्रभावकारिताबारे अध्ययन अनुसन्धान तथा विश्लेषण, प्राकृतिक चिकित्साको भूमिका सैद्धान्तिक तथा प्रयोगात्मक ज्ञान , जीवनशैली व्यवस्थापन तथा नसर्ने रोगहरूको व्यवस्थापन जस्ता विषयमा सहजीकरण गरिएको सामुदायिक प्राकृतिक चिकित्सालय रजहरका व्यवस्थापक हरि सापकोटाले जानकारी दिनुभएको छ।

May be an image of text

गत २१ गते आइतबार आयुर्वेद तथा वैकल्पिक चिकित्सा विभागका बरिष्ठ कन्सल्टेन्ट आयुर्वेदिक डाक्टर मनकर्णको अध्यक्षता सँगै सामुदायिक प्राकृतिक चिकित्सालयका अध्यक्ष सन्त बहादुर क्षेत्रीको प्रमुख आतिथ्यमा सुरु भएको अभिमुखीकरणमा सामुदायिक प्राकृतिक चिकित्सालयमा गरिने उपचार पद्धतिको जानकारी तथा अवलोकन सहित उपचाररत बिरामीसँग अन्तरक्रिया समेत गरिएको थियो । तालिममा पुनेश्वरी केशरी, आजाद पुरी, अनमोल गोड लगायतका व्यक्तित्वहरू प्रशिक्षकको रुपमा रहनु हुँदै विविध विषयमा सहजीकरण गर्नुभएको थियो।

प्रकाशित मिति: मंगलबार, पुस २३, २०८१ २०:१४