राष्ट्रिय यु–१९ क्रिकेट टिमका अप्रजित पौडेललाई ओएसिस स्कुलमा सम्मान

खेलकुद

गृहपृष्ठ
खेलकुद

राष्ट्रिय यु–१९ क्रिकेट टिमका अप्रजित पौडेललाई ओएसिस स्कुलमा सम्मान

एलिना केसी बुधबार, पुस १७, २०८१

देवचुली,

यु – १९ एसिया कप क्रिकेट प्रतियोगिता २०२४ मा सहभागी भएर घर फर्किएका देवचुली नगरपालिका वडा न १७ का अप्रजित पौडेललाई आज ओएसिस ईङ्गलिस बोर्डिङ्ग स्कुलले सम्मान गरेको छ । देवचुली वडा नं १७ फारममा रहेको ओएसिस ईङ्गलिस बोर्डिङ्ग स्कुलले कक्षा ८ सम्म अध्ययनरत गरेका अप्रजित पौडेललाई बुधबार एक कार्यक्रमको आयोजना गरि सम्मान गरेको हाे। 467492579_1355509339234978_5331181949533528342_n-1735736820.jpg
नेपालको राष्ट्रिय यु–१९ क्रिकेट टिममा आफ्नो ठाउँ बनाउँदै क्रिकेटको क्षेत्रमा पहिचान बनाउन सफल भएको भन्दै सम्मान गरिएको ओएसिस ईङ्गलिस बोर्डिङ्ग स्कुलका प्रिन्सिपल खगिसरा ढकालले हेर्नेपाटीलाई बताउनुभएको छ । कक्षा ८ सम्म ओएसिस स्कुलमा अध्ययन गरेका अप्रजित पढाईसँगै खेलकुदमा पनि उतिकै लगाव देखाउनाले आज राष्ट्रिय तथा अन्तर्राष्ट्रिय स्तरसम्म पुग्न सफल भएकोमा बधाई तथा सम्मान गरेको ढकालले बताउनुभयो । 467482220_1059277976002589_3965354717326177597_n-1735736838.jpg
उनी हरेक विद्यार्थीहरुका लागि रोल मोडल बन्न सफल भएको भन्दै सम्मान पत्र सहित सम्मान गर्दै उज्ज्वल भविष्यको कामना गरिएको थियो । अप्रजित पौडेल र उनको आमा उत्त विद्यालयकी पूर्व शिक्षिका समेत रहनुभएकी प्रतिज्ञा ज्ञवालीलाई विद्यालयले सम्मान गरेको हो । पौडेललाई विद्यालयले खेलप्रतिको लगावलाई अगाडि बढाउन सुझाव दिएकाे थियाे । विद्यालयका विद्यार्थी एवम् शिक्षकशिक्षिकाले अबिर, माला र कदरपत्रले सम्मान गरेका थिए। 470051956_605900735180125_9129884380656482658_n-1735736859.jpg