देवचुली होटल व्यवसाय सङ्घको पाँचौ साधारण सभा सम्पन्न

देवचुली

गृहपृष्ठ
देवचुली

देवचुली होटल व्यवसाय सङ्घको पाँचौ साधारण सभा सम्पन्न

राजन थकाली शनिबार, पुस १३, २०८१

देवचुली
देवचुली होटल व्यवसाय सङ्घको पाँचौ साधारण सभा आज शनिबार देवचुली १ केउरेनीमा रहेको दिव्य मध्यवर्ती सामुदायिक बनको खेलमैदानमा सम्पन्न भएको छ। देवचुली नगरपालिकाका नगर प्रमुख हरि प्रसाद न्यौपानेको प्रमुख आतिथ्यता तथा सङ्घका अध्यक्ष लक्ष्मण चापागाईंको अध्यक्षतामा सम्पन्न कार्यक्रममा पञ्चेबाजा सहितको शोभायात्रा गरिएको थियो।

शोभायात्रा देवचुली नगरपालिकाको कार्यालय परिसर देखि कार्यक्रम स्थल दिव्य मध्यवर्ती सामुदायिक बनको खेलमैदान सम्म गरिएको थियो।

No description available.
सङ्घका उपाध्यक्ष आरति सुस्लिङको स्वागत मन्तव्य रहेको कार्यक्रममा सङ्घका संस्थापक अध्यक्ष गौरिश्वर न्यौपाने , देवचुली उद्योग वाणिज्य सङ्घका अध्यक्ष सूर्य दवाडी , सङ्घका केन्द्रिय सदस्य डिल कुमार श्रेष्ठ , सङ्घका गण्डकी प्रदेशका महिला उपाध्यक्ष तुलसी ज्ञवाली , सङ्घका जिल्ला अध्यक्ष सन्तोष राना तथा प्रगतिनगर खानेपानी तथा सरसफाइ उपभोक्ता संस्थाका अध्यक्ष खिमानन्द भुसाल लगायतले शुभकामना मन्तव्य राख्नुहुँदै यस क्षेत्रको बजारीकरणलाई व्यवस्थित बनाउन होटल व्यवसायले महत्वपूर्ण भूमिका खेलेको बताउनुभएको थियो।

No description available.
कार्यक्रममा सङ्घका अध्यक्ष लक्ष्मण चापागाईंले सङ्घको वार्षिक प्रगति प्रतिवेदन , कोषाध्यक्ष देवी प्रसाद भण्डारीले आर्थिक तथा लेखा प्रतिवेदन र सचिव खुमलाल भुर्तेलले सचिवको प्रतिवेदन प्रस्तुत गर्नुभएको थियो भने कार्यक्रमका प्रमुख अतिथि समेत रहनुभएका देवचुली नगरपालिकाका नगर प्रमुख हरि प्रसाद न्यौपानेले होटल व्यवसाय अति नै संवेदनशील व्यवसाय भएको हुँदा यसमा सबैले सरसफाइ , गुणस्तरीयता र शुद्धताका विशेष ध्यान दिन सुझाव दिनुभएको थियो।