पत्रकार महासङ्घ नवलपुरको नयाँ समितिलाई पद हस्तान्तरण र सपथ ग्रहण

कावासोती

गृहपृष्ठ
कावासोती

पत्रकार महासङ्घ नवलपुरको नयाँ समितिलाई पद हस्तान्तरण र सपथ ग्रहण

हेर्नेपाटी शुक्रबार, पुस १२, २०८१

नवलपुर
नेपाल पत्रकार महासङ्घ नवलपुरको नव निर्वाचित समितिलाई आज एक कार्यक्रमका बीच पद हस्तान्तरण तथा सपथ ग्रहण गराइएको छ। महासङ्घको वरिष्ठ उपाध्यक्ष दीपक आचार्यको प्रमुख आतिथ्यता तथा विरेन्द्र पराजुलीको अध्यक्षतामा सम्पन्न कार्यक्रममा निवर्तमान समितिले नयाँ समितिलाई पद हस्तान्तरण गरेको हो।

गत मङ्सिर २८ गते सम्पन्न निर्वाचनबाट निर्वाचित नयाँ समितिका सम्पूर्ण पदाधिकारीलाई आज सपथ ग्रहण गराउनुका साथै प्रमाण पत्र वितरण गरिएको थियो। सपथ ग्रहण गर्ने क्रममा नयाँ समितिका पदाधिकारीहरूले आफ्नो जिम्मेवारीलाई इमानदारीपूर्वक निभाउने प्रतिवद्धता गर्दै महासङ्घलाई साझा संस्थाको रूपमा विकास गर्न आ आफ्नो क्षेत्रबाट प्रयास गर्ने समेत बताएका थिए।

May be an image of 8 people and text

कार्यक्रममा महासङ्घका गण्डकी प्रदेशका अध्यक्ष नारायण शर्मा, हालै सम्पन्न महासङ्घको निर्वाचनका सभापतिको प्रतिद्वन्द्वी घनश्याम बगाले, महासङ्घका पश्चिम नवलपरासीका सभापति केशव पराजुली, महासङ्घ नवलपुरका सल्लाहकार रामकुमार श्रेष्ठ, प्रेस सङ्गठनका केन्द्रीय सचिव बोमलाल गिरी, प्रेस युनियनका जिल्ला अध्यक्ष खगराज सापकोटा, प्रेस चौतारीका जिल्ला अध्यक्ष शालिकराम कोइराला, फोनिजका केन्द्रीय सदस्य कमला राना मगर, क्रियाशील पत्रकार महिला नवलपुरका अध्यक्ष ज्ञानु पङ्गेनी लगायतका वक्ताहरूले नयाँ समितिलाई सफल कार्यकालको शुभकामना व्यक्त गर्दै महासङ्घले नयाँ पत्रकारहरूको सीप र क्षमता विकास, साना स्वरोजगारमुलक मिडियाहरूको उत्थानमा नेतृत्वले ध्यान दिनुपर्ने कुरामा जोड दिएका थिए।