मध्य नेपाल साकोसको ५ औँ वार्षिक साधारण सभा विभिन्न सेवा केन्द्रमा सुरु

देवचुली

गृहपृष्ठ
देवचुली

मध्य नेपाल साकोसको ५ औँ वार्षिक साधारण सभा विभिन्न सेवा केन्द्रमा सुरु

सुनिता शर्मा आइतबार, पुस ७, २०८१

देवचुली,

मध्य नेपाल बचत तथा ऋण सहकारी संस्थाको पाँचौ बार्षिक साधारण सभा सुरु भएको छ । आइतबार देवचुली नगरपालिका १७ मा रहेको बरचुली मा.विको सभाहलमा रजहर सेवाकेन्द्र, फारम सेवाकेन्द्र र दिब्य लक्ष्मी सेवाकेन्द्र इकाईको साधारण सभा सम्पन्न भएको हो । कार्यक्रमको अध्यक्षता फारम सेवा केन्द्र संयोजक नारायण प्रसाद सापकोटाले गर्नुभएको थियो । May be an image of 12 people and text
कार्यक्रममा देवचुली नगरपालिका वडा नं १७ का वडा अध्यक्ष गणेश शर्मा चालीसे (दिपक) को प्रमुख आतिथ्यता रहेको थियो । कार्यक्रमको समुद्घाटन गर्दै प्रमुख अतिथि चालिसेले मध्य नेपाल साकोस देशभरी मै उत्कृष्ट सहकारीको रुपमा उदाएको बताउँदै यसले यस क्षेत्रका उपभोक्ताको हितलाई मध्यनजर गर्दै आगामी दिनमा पनि निरन्तर काम गर्नुपर्ने बताउनुभएको थियो । साथै संस्थालाई पाँचौ वार्षिक साधारण सभा भव्य रुपमा सम्पन्न गर्न शुभकामना व्यक्त गर्नुभएको थियो । May be an image of 5 people, dais and text

यसैगरि कार्यक्रममा मध्य नेपाल बचत तथा ऋण सहकारी अध्यक्ष तुलमणी पौडेलले आर्थिक बर्ष २०८०/८१ को प्रगति प्रतिवेदन प्रस्तुत गर्नुभएको थियो । उहाँले संस्थाले नवलपुरका ११ वटा सेवाकेन्द्रबाट आफ्नो सेवा चुस्त दुरुस्त रुपले सन्चालन गरेको बताउदै आर्थिक बर्ष २०८०/८१ मा सबै बित्तिय परिसूचक सबल र सुदृढ राख्न सफल भएको बताउनुभयो । May be an image of 7 people and text
साधारण सभाको अवसरमा सहासी महिला तथा बचत सहकारी संस्थाका अध्यक्ष माया पौडेल, पुर्व समितिबाट प्रेम न्यौपाने, अमर साकोसका प्रतिनिधि राजेन्द्र न्यौपाने, बरचुली माध्यमिक विद्यालयका ब्यबस्थापन समितीका अध्यक्ष प्रेम बहादुर थापा क्षेत्री लगायतले शुभकामना मन्तव्य राख्नुभएको थियो ।
संस्थाको वार्षिक प्रगति प्रतिबेदन सचिव डिलाराम पाण्डेले प्रस्तुत गर्नुभएको थियो । प्रस्तावित कार्यक्रम र बचेट कोषाध्यक्ष जगन्नाथ अर्यालले प्रस्तुत गर्नुभएको थियो भने लेखा सुपरिवेक्षण समिती प्रतिबेदन सुपरिवेक्षण समिती सदस्य सुनिल न्यौपानेले पेस गर्नुभएको थियो ।
कार्यक्रमको सहजीकरण मध्य नेपाल साकोसका प्रमुख कार्यकारी अधिकृत नरभूपाल भुसालले गर्नुभएको थियो । कार्यक्रममा विभिन्न तीन सेवा केन्द्रका सेयर सदस्यहरुको उपस्थिति रहेको थियो । May be an image of 6 people, dais and text
आजबाट सुरु भएको मध्य नेपाल बचत तथा ऋण सहकारी संस्थाको पाँचौ वार्षिक साधारण सभा मंसिर ८ गते परोपकार सेवा केन्द्र, शुभकामना सेवा केन्द्र, देवचुली सेवा केन्द्र र दिव्यपुरी सेवा केन्द्रको दलदले साहारा पाटी प्यालेसमा हुनेछ । May be an image of 3 people, crowd and text