पशुपति वैदिक आश्रममा तृतीय सन्त सम्मेलन मंसिर २४ गतेदेखि सुरु हुने

देवचुली

गृहपृष्ठ
देवचुली

पशुपति वैदिक आश्रममा तृतीय सन्त सम्मेलन मंसिर २४ गतेदेखि सुरु हुने

एलिना केसी आइतबार, मंसिर २३, २०८१

देवचुली,

देवचुली नगरपालिका वडा नं १५ प्रगतिनगरमा अवस्थित पशुपति वैदिक आश्रममा तृतीय अखिल नेपाल देशीय वेदान्त सन्त सम्मेलन एवम् धन धान्याचल ज्ञान महायज्ञ हुँदै छ । मंसिर २४ गते सोमबार देखि पशुपति साङ्वेद आवसीय संस्कृत माध्यमिक विद्यालयको प्राङ्गणमा उक्त सम्मेलनको आयोजना गरिएको छ । पशुपति वैदिक आश्रममा आश्रित ७० जना बटुकहरुको आवसीय, भोजन भण्डारा आदिको समुचित व्यवस्थापनका लागि आश्रमले विगत देखि नै धन धान्याचल ज्ञान महायज्ञ आयोजना गर्दै आइरहेको आइतबार पत्रकार सम्मेलन गरि जानकारी गराइएको थियो । No description available.

यस क्षेत्रका मानिसहरुमा ज्ञानको प्रचारप्रसार, धर्म संरक्षण, मन्दिरको स्तरोन्नती एवम् आश्रम संचालनका निम्ति संस्थाले वार्षिक रुपमा धन धान्याचल महायज्ञ गर्दै आएको यज्ञ सम्पादन मुल समिति संयोजक उद्योग बहादुर श्रेष्ठले पत्रकार सम्मेलनमा बताउनुभएको थियो ।
पत्रकार सम्मेलनमा बोल्दै धन धान्याचलका तथा ज्ञान महायज्ञका लागि प्रमुख संरक्षक अध्यक्ष गुरु संहिता शास्त्री अर्जुनप्रसाद वास्तोलाले देवचुलीको मात्रै नभई समग्र क्षेत्रको प्रतिनिधित्व सम्मेलनले गर्ने बताउँदै विभिन्न ठाउँबाट विद्वान धर्मगुरुहरुको आगमन हुने बताउनुभयो । No description available.

संस्थाको आर्थिक अवस्था कमजोर रहेकाले तेस्रो चरणमा संचालन हुन लागेको धान्याचल ज्ञान महायज्ञलाई सफल बनाउन सबैको साथ र सहयोगको आवश्यकता रहेको पीठाधीश श्री १००८ स्वामी स्वरुपानन्द सरस्वतीजी महाराजजीले बताउनुभयो ।
मंसिर २४ गते सोमबार विहान १० बजेदेखि शोभायात्रा, पुजापाठ हवन लगायतका अन्य विविध कार्य हुने यज्ञ सम्पादन मुल समिति सचिव होमनाथ जैशीले बताउनुभयो । No description available.