शिक्षक/विद्यार्थी प्रतिभा पहिचान कार्यक्रम नवलपुरमा देवचुलीको वर्चस्व

देवचुली

गृहपृष्ठ
देवचुली

शिक्षक/विद्यार्थी प्रतिभा पहिचान कार्यक्रम नवलपुरमा देवचुलीको वर्चस्व

एलिना केसी बिहीबार, मंसिर २०, २०८१

नवलपुर,

शिक्षक–विद्यार्थी प्रतिभा पहिचान कार्यक्रममा नवलपुरको देवचुली नगरपालिका विभिन्न विधामा प्रथम, द्वितीय र तृतीय स्थान हासिल गर्न सफल भएको छ । गण्डकी प्रदेश सरकार सामाजिक विकास युवा तथा खेलकुद मन्त्रालय एवम् सामाजिक विकास कार्यालय नवलपुरको आयोजनामा जिल्लास्तरीय शिक्षक–विद्यार्थी वक्तृत्वकला, शिक्षक हाजिरीजवाफ तथा विद्यार्थी नृत्य प्रतियोगिता भएको थियो ।

उक्त प्रतियोगितामा शिक्षक वक्तृत्वकला प्रतियोगितामा प्रथम, शिक्षक हाजिरी जवाफ प्रतियोगितामा द्वितीय र नृत्य प्रतियोगितामा तृतीय हुन सफल भएको छ । नवलपुर जिल्लाका ८ वटै पालिकाबाट विभिन्न विद्यालयका शिक्षक एवम् विद्यार्थीको सहभागिता रहेको प्रतियोगितामा देवचुली नगरपालिकाले विभिन्न विधामा उत्कृष्ट नतिजा ल्याउन सफल भएको हो ।

शिक्षक प्रतिभा पहिचान कार्यक्रम अन्तर्गत जिल्ला स्तरीय शिक्षक वक्तृत्वकला प्रतियोगितामा देवचुली नगरपालिकाको प्रतिनिधित्व गर्दै देवचुली ७ रामबासमा अवस्थित भीमसेन आर्दश नमुना मा.वि.की शिक्षिक कृष्णकला काफ्ले प्रथम, शिक्षक हाजिरी जवाफ प्रतियोगितामा देवचुली नगरपालिकाको प्रतिनिधित्व गर्दै भीमसेन आदर्श नमूना मा.विका प्रधानाध्यापक अग्निधर भुसाल , सकला मा.वि.का शिक्षक होमनाथ न्यौपाने, देवचुली मा.वि. रजहरका शिक्षक मन्जुल कंडेलको समूह द्वितिय र विद्यार्थी नृत्य प्रतियोगितामा देवचुली १६ रजहरमा रहेको देवचुली माध्यमिक विद्यालय तृतीय हुन सफल भएका छन् ।
सो प्रतियोगितामा जिल्लास्तरमा प्रथम भएका शिक्षक र विद्यार्थीहरुले प्रदेशस्तरीय प्रतियोगितामा सहभागिता जनाउन पाउनेछन् । उक्त प्रतियोगिता मंसिर १८ र १९ गते नेपाल आमा समूहको भवन कावासोतीमा भएको थियो ।

प्रकाशित मिति: बिहीबार, मंसिर २०, २०८१ १८:५७