दिव्यज्योति आधारभूत विद्यालय व्यवस्थापन समितिको अध्यक्षमा पाण्डे चयन

देवचुली

गृहपृष्ठ
देवचुली

दिव्यज्योति आधारभूत विद्यालय व्यवस्थापन समितिको अध्यक्षमा पाण्डे चयन

एलिना केसी बुधबार, मंसिर १९, २०८१

देवचुली,

देवचुली नगरपालिका वडा नं १२ मा रहेको दिव्यज्योति आधारभूत विद्यालयको नयाँ विद्यालय व्यवस्थापन समिति चयन गरिएको छ । मंगलबार देवचुली नगरपालिका वडा नं १२ का वडाध्यक्ष लोक प्रसाद भुर्तेल, पूर्व विद्यालय व्यवस्थापन समितिका अध्यक्ष शेरबहादुर पौडेल, देवचुली नगरपालिका शिक्षा अधिकृत नन्दलाल ढकाल, विद्यालयका प्रधानाध्यापक मैनाकुमारी श्रेष्ठ लगायतको उपस्थितिमा महारुद्र पाण्डेलाई अध्यक्षमा चयन गरिएको छ ।

दिव्यज्योति आधारभूत विद्यालय व्यवस्थापनको अध्यक्षमा महारुद्र पाण्डे, सदस्यमा कल्पना न्यौपाने, गंगा बाचे (बि.क), जानकी पुरी, पवित्रा बसेल, एन्जल न्यौपानेलाई चयन गरिएको हो । त्यसैगरि पदेन सदस्यमा देवचुली वडा नं १२ का वडाध्यक्ष लोकप्रसाद भुर्तेल र सदस्य सचिवमा विद्यालयका प्रधानाध्यापक मैनाकुमारी श्रेष्ठ रहने गरि नयाँ समिति गठन गरिएको छ ।
दिव्य ज्योति आधारभूत विद्यालयका पूर्व अध्यक्ष शेरबहादुर पौडेलको अध्यक्षतामा भएको अभिभावक भेलामा देवचुली १२ का वडाध्यक्ष लोकप्रसाद भुर्तेलको प्रमुख आतिथ्यता सम्पन्न भएकाे थियो । त्यसै गरि कार्यक्रममा वडा सदस्यहरु, अभिभावकहरुको उपस्थिति रहेको थियो ।

प्रकाशित मिति: बुधबार, मंसिर १९, २०८१ १३:०७