बस्ती पसेको गैंडालाई मध्यरातमा जंगल पठाइयो

देवचुली

गृहपृष्ठ
देवचुली

बस्ती पसेको गैंडालाई मध्यरातमा जंगल पठाइयो २० घण्टा गैंडा बस्ती मैं

आदर्श सुशिल बुधबार, कात्तिक २८, २०८१

फाइल फोटो

कार्तिक २८, देवचुली

मंगलबार बिहानै बस्ती पसेको गैंडालाई करिव २० घण्टा पछी अन्ततः जंगल फर्काईएको छ। देवचुली नगरपालिकाको वडा नं २ बाट बस्ती प्रवेश गरेको गैंडा वडा नं ४ हुँदै वडा नं ३ को लालिमा कृषि सहकारीको बीउ बिजन प्रसोधन केन्द्रको भवन नजिकैको सानो जंगलमा निगरानीमा दिनभरी रहेको थियो। राजमार्गबाट दक्षिणतर्फ एकादशी मेला चलिरहेको र हरेक बाटोमा मानिसहरुको भीड रहेकाले गैंडालाई बौलाहा खोला किनारको सानो जंगल क्षेत्रमै निगरानीमा राखिएको चितवन राष्ट्रिय निकुञ्ज, शिसवार मध्यवर्ती उपभोक्ता समितिका अध्यक्ष नेत्रबहादुर पाण्डेले जानकारी दिनुभयो। मानिसहरुको आवतजावत बन्द भएपछी राती करिव साढे १२ बजे नेपाली सेना, जनपथ प्रहरी, निकुञ्ज प्रशासन, शिसवार उपभोक्ता समिति र डिभिजन वन कार्यालयको पहलमा गैंडालाई रेक्स्यु सुरु गरि राती करिव साढे २ बजे दिव्य मध्यवर्ती सामुदायिक वनमा लगेर छोडिएको अध्यक्ष पाण्डेले बताउनुभयो। देवचुली ३ का स्थानीयले हात्ती ल्याएर भए पनि गैंडालाई दिउँसो नै उक्त क्षेत्रबाट हटाउन भने पनि सुरक्षा चुनौतीका कारण राती मात्रै जंगल पठाईएको पाण्डेको भनाई छ।

प्रकाशित मिति: बुधबार, कात्तिक २८, २०८१ ०९:२३