नारायणी नदी किनारमा एकादशी धार्मिक मेला हुँदै

देवचुली

गृहपृष्ठ
देवचुली

नारायणी नदी किनारमा एकादशी धार्मिक मेला हुँदै

एलिना केसी बिहीबार, कात्तिक २२, २०८१

देवचुली,

हरेक वर्ष जस्तै यस वर्ष पनि दिव्य मध्यवर्ती सामुदायिक वन उपभोक्ता समूहको आयोजना र देवचुली नगरपालिका, चितवन राष्ट्रिय निकुञ्जको सहकार्यमा एकादशी धार्मिक मेला २०८१ हुने भएको छ ।

दिव्य मध्यवर्ती सामुदायिक वनको खेल मैदान नारायणी नदी किनारमा आगामी कार्तिक २४ गते देखि २७ गतेसम्म उक्त मेलाको आयोजना गरिएको छ । कला, संस्कृति, परम्पराको जगेर्ना गर्ने मुख्य उद्धेश्यले हरि बोधनी एकादशी धार्मिक, साँस्कृतिक रमाईलो तथा पर्यटन मेलाको आयोजना गरिएको हाे ।

विगत केही वर्षदेखि शुभारम्भ भएको मेला यस वर्ष पनि निरन्तरता दिन साथै आन्तरिक र बाह्य पर्यटकको आगमनलाई वृद्धि गराउने लक्ष्यका साथ मेलाको आयोजना गरिएको दिव्य मध्यवर्ती सामुदायिक वन उपभोक्ता समूहका अध्यक्ष सुवास ओझाले जानकारी दिनुभयो ।

एकादशी मेलामा विभिन्न साँस्कृतिक कार्यक्रम, खुल्ला भजन प्रतियोगिता, प्रथम एकादशी भलिवल प्रतियोगिता हुने आयोजकले जनाएको छ । पहिलो दिन केउरेनी चोक देखि झाँकी सहित ¥र्याली गरिनेछ ।
एक सय पचास भन्दा वढि व्यापारिक स्टल, बाल उधान , जंगल सफारी, चर्चित लोक तथा दोहोरी गायक गायिकाहरुको प्रस्तुति रहने जनाईएको छ ।

प्रकाशित मिति: बिहीबार, कात्तिक २२, २०८१ १३:२३