देवचुलीमा विद्यालय स्तरीय खेलकुद प्रतियोगिता सुरु

देवचुली

गृहपृष्ठ
देवचुली

देवचुलीमा विद्यालय स्तरीय खेलकुद प्रतियोगिता सुरु

एलिना केसी सोमबार, कात्तिक १२, २०८१

देवचुली,

देवचुली नगरपालिकाको आयोजनामा (आज) सोमबार देखि विद्यालयस्तरीय खेलकुद प्रतियोगिता सुरु भएको छ । देवचुली नगरपालिकाको आयोजना, देवचुली नगरपालिका युवा तथा खेलकुद विकास समितिको सहयोग र भीमसेन आदर्श नमूना माध्यमिक विद्यालयको संयोजनमा खेलकुद प्रतियोगिता सुरु भएको हो ।
प्रतियोगितामा देवचुली नगरपालिकाका सामुदायिक र संस्थागत विद्यालय गरि १४ वटा विद्यालयले सहभागिता जनाउने आयोजकले जनाएको छ। No description available.

प्रतियोगितामा पहिलो दिन १२ गते सोमबार बिहान ९ बजेदेखि छात्रछात्राको भलिबल प्रतियोगिता, कबड्डी, कराँते सुरु भएको छ । भीमसेन आदर्श नमूना माध्यमिक विद्यालय व्यवस्थापन समितिका अध्यक्ष भूमिलाल लामिछानेको अध्यक्षतामा भएको उद्घाटन कार्यक्रममा देवचुली नगरपालिकाका नगरप्रमुख हरि प्रसाद न्यौपानेको प्रमुख आतिथ्यता रहेको थियो । कार्यक्रममा बोल्दै नगरप्रमुख न्यौपानेले विद्यालयस्तरीय प्रतियोगिताले योग्य खेलाडी तयार हुने बताउनुहुँदै देवचुली नगरपालिकाले खेलकुद क्षेत्रको भौतिक निर्माणमा जोड दिंदै आइरहेको बताउनुभएको थियो । साथै उहाँले खेल शारीरिक र मानसिक रुपमा स्वस्थ नागरिकको आवश्यकता भएको बताउँदै आगामी दिनमा पनि खेलकुदमा निति बनाई बजेट विनियोजन गर्ने बताउनुभयो। No description available.

उद्घाटन कार्यक्रममा देवचुलीका १८ वटा विद्यालयका विद्यार्थीहरुले मार्चपास गरेका थिए । कार्यक्रममा देवचुली नगरपालिकाका प्रमुख प्रशासकीय अधिकृत, विभिन्न वडाका वडाध्यक्ष, विद्यालय व्यवस्थापन समितिका अध्यक्ष, विद्यालयका प्रधानाधयापक, विद्यार्थी, खेल प्रेमीहरुको उपस्थिति रहेको थियो । कार्यक्रममा स्वागत मन्तव्य देवचुली नगरपालिका शिक्षा शाखा प्रमुख राम प्रसाद शर्माले राख्नुभएको थियो भने सहजीकरण भीमसेन आदर्श नमूना मा.विका प्लस २ कोअडिनेटर कृष्ण काफ्लेले गर्नुभएको थियो । No description available.

यसैगरि विद्यालयस्तरीय खेलकुद प्रतियोगिता कार्तिक १४ गते भलिबलको फाइनल खेलसँगै पुरस्कार वितरण तथा समापन रहने देवचुली नगरपालिका युवा तथा खेलकुद विकास समितिका सदस्य सचिव प्रकाश काफ्लेले हेर्नेपाटीलाई जानकारी दिनुभयो । उहाँका अनुसार सोमबार देवचुली नगरपालिकाका नगरप्रमुख हरि प्रसाद न्यौपानेको प्रमुख आतिथ्यतामा खेलको उद्घाटन गरिने बताउनुभयो । उद्घाटनमा देवचुलीका १८ वटा विद्यालयका विद्यार्थीहरुले मार्चपास गर्नेछन् । प्रतियोगिता देवचुली नगरपालिका वडा नं ७ रामबासमा रहेको भीमसेन आदर्श नमूना माध्यमिक विद्यालयको खेलमैदानमा हुनेछ । विद्यालयस्तरीय प्रतियोगिता कार्तिक १२, १३ र १४ गरि तीन दिन सम्म संचालन हुनेछ । No description available.