देवचुली ,
देवचुली नगरपालिका वडा नं ४ को आयोजनामा वडा भेला तथा युवा सञ्जाल गठन आइतबार देवचुली ४ झाक्रे शान्ति सृजना आधारभूत विधालयमा सम्पन्न भएको छ । युवा जुटे नगर बन्छ, नगर बने राष्ट्र सक्षम बन्छ भन्ने मुल मन्त्रका साथ वडाका युवावर्गहरुलाई भेला गराई सञ्जाल गठन गरिएको छ ।
कार्यक्रम वडा नं ४ का वडा अध्यक्ष गिर बहादुर थापाको अध्यक्षतामा वडा भेला तथा युवा सञ्जाल गठन गरिएको थियो । कार्यक्रममा अध्यक्ष थापाले समाज परिवर्तनका लागि युवाहरुको मह्त्वपूर्ण भुमिका रहेकाले युवा सञ्जाल गठन गरिएको र आगामी दिनमा यस नवगठित सञ्जालले उद्धारहणीय काम गर्नेछ र परेको बेला आफ्नो सहयोग रहने भन्दै बधाई तथा शुभकामना व्यक्त गर्नुभएको थियो ।
यस्तै युवा सञ्जाल नवगठनमा अध्यक्ष पदमा मान बहादुर सुनारी चयन हुनुभएको, बरिष्ठ उपाध्यक्षमा अर्जन थापा दराई, उपाध्यक्षमा चन्चला डुम, नेत्र रुचाल, धन बहादुर लुङ्गेली, सचिवमा दिवस थापा, सहसचिवमा कल्पना सुनार, कोषाध्यक्षमा देविका गुरुङ, र ७ जना सदस्यमा चयन हुनुभएको छ ।
कार्यक्रममा शुभप्रभात समाजका अध्यक्ष कृष्ण वाग्लले, वडाका बुद्धिजीवी, युवाहरु लगायतको उपस्थिती रहेको सुशिल चापागाईले ह्याप्पी टाईमसलाई जानकारी दिनुभयो ।
