देवचुली ,
दिव्यपुरी महिला स्वाबलम्वन बहुउद्धेश्यीय सहकारी संस्था लिमिटेड को आयोजनामा तीज गीत प्रतियोगीता शनिबार सम्पन्न भएको छ । देवचुली ३ केउरेनीमा रहेको लालीमा विउ विजन भण्डार केन्द्रको परिसरमा भएको कार्यक्रममा सहकारी पाइला सामाजिक, संस्कृतिक र स्वाबलम्बी महिला बिषयमा तीज गीत प्रतियोगीता भएको छ । कार्यक्रममा अध्यक्षता दिव्यपुरी महिला स्वाबलम्बन बहुउद्धेश्यीय सहकारी संस्था लिमिटेडकी अध्यक्ष शान्ता सापकोटा रहनुभएको थियो भने प्रमुख आत्थ्यिता देवचुली नगरपालिका नगर उपप्रमुख पार्वता तिवारी रहनुभएको थियो । यस्तै बिशिष्ट अतिथीका रुपमा देवचुली नगरपालिकाका प्रमुख पूर्ण कुमार रहनुभएको थियो ।
कार्यक्रममा ९ वटा ईकाइ समुहबाट प्रस्तुती दिईएका थिए जसमध्य युगिन इकाई आमा समुह, जागृती इकाई आमा समुह, विश्वास इकाई आमा समुह, मनकामना इकाई आमा समुह, नारी कल्याण आमा समुह, हातेमालो इकाई आमा समुह, चेतनशील इकाई आमा समुह, कुमारवर्ती इकाई आमा समुह , मनकामना (क) इकाई आमा समुहहरु रहेका थिए ।
यस्तै कार्यक्रममा हातेमालो ईकाइ आमा समुह प्रथम, विश्वास इकाई आमा समुह दोस्रो, युगीन ईकाइ आमा समुह तेस्रो, चेतनशील ईकाइ आमा समुह सान्तोना भएको छन् । प्रथम हुने समुहलाई रु १२ हजार, दोस्रो हुनेलाई रु ८ हजार, तेस्रो हुनेलाई रु ६ हजार र सान्तोनालाई रु ३००० सहित प्रमाण पत्र वितरण गरिएको थियो ।
