एयर डाइनेस्टी दुर्घटना : मृतक चिनियाँ नागरिकको सनाखत

देश

गृहपृष्ठ
देश

एयर डाइनेस्टी दुर्घटना : मृतक चिनियाँ नागरिकको सनाखत

हेर्नेपाटी मंगलबार, साउन २९, २०८१

काठमाडौँ ,

नुवाकोटको शिवपुरीमा एयर डाइनेस्टीको हेलिकप्टर दुर्घटनामा परेका चिनियाँ नागरिकको सनाखत भएकाे छ ।

हेलिकप्टर दुर्घटनामा परेका चिनियाँ नागरिकको परिवारबाट पहिचानको आधार संकलन भएर मृतकको दाँतको परीक्षणबाट सनाखत भएकाे हो ।

चिनियाँ पर्यटक जुदाड टाङ (पुरुष), जी ली (पुरुष), यियाद वु (महिला) र जेमिङ सी (पुरुष) को शव सनाखत भएकाे त्रिवि शिक्षण अस्पताल फोरेन्सिक विभागका प्रमुख डा.गोपालप्रसाद चौधरीले जानकारी दिए । ‘दाँतको परीक्षणबाट सनाखत भएकाे छ,’ उनले भने, ‘शव हामीसँगै छ, उहाँहरूको परिवारले यही अन्त्येष्टि गर्ने वा लैजाने भनेर सल्लाह गर्दै हुनुहुन्छ ।’

मृतकको सनाखत शव डिजास्टर भिक्टिम आइडेन्टिफिकेसन प्रणाली पोस्टमार्टमबाट गरिन्छ । डिजास्टर भिक्टिम आइडेन्टिफिकेसन प्रणालीबाट पोस्टमार्टम गर्दा सुरुमा शव सनाखतका लागि फिंगर प्रिन्ट, डेन्टल (दाँतको भाग) र शरीरमा स्थायी रूपमा बनेका सङ्केतहरू (खत, ट्याटु आदि), पहिरन, गहना लगायत हेरिने डा. चौधरीको भनाई छ ।

साउन २३गते बुधबार दिउँसो काठमाडौँ विमानस्थलबाट रसुवाको स्याफ्रुबेसीका लागि उडेको हेलिकप्टर दुर्घटना भएको थियो । सो दुर्घटनामा परी क्याप्टेन अरुण मल्लसहित चार चिनियाँ नागरिकको मृत्यु भएको थियो ।

साभारःरातोपाटीबाट

प्रकाशित मिति: मंगलबार, साउन २९, २०८१ १६:१७