कावासोतीमा पठन संस्कृति अभियान शुभारम्भ

कावासोती

गृहपृष्ठ
कावासोती

कावासोतीमा पठन संस्कृति अभियान शुभारम्भ

हेर्नेपाटी शनिबार, साउन ५, २०८१

कावासोती

कावासोतीमा पठन संस्कृति अभियान शुभारम्भ भएको छ। कवि एवं साहित्यकार दिपक सोतीले पठन संस्कृति अभियानको उद्घाटन गर्नुभएको हो । पठन संस्कृति कार्यक्रम नगर युवा सञ्जाल कावासोती र नवलपुर एफ एम को संयुक्त आयोजनामा सम्पन्न भएको हो ।

डिजिटल युगले मानिसलाई असामाजिक र एकोहोरो बनाउँदै लगेको अवस्थामा किताबको संगतले मानिसलाई सामाजिक बनाउन सहयोग पुग्ने भएकोले यो कार्यक्रमको शुभारम्भ गरीएको नगरयुवा सञ्जाल कावासोतीका अध्यक्ष पवन भुर्तेलले बताउनुभयो ।

कार्यक्रमका प्रमुख अतिथि दिपक सोतीले हिजोआज मानिसमा अध्ययनको संस्कार नै हट्दै गएको बताउदै पठन संस्कृति कार्यक्रमले हामीमा अध्ययन गर्ने बानी विकास गर्ने विश्वास व्यक्ति गर्नुभयो । डिजिटल प्रविधिले पुस्तक अध्ययनको बानी हट्दै गएकाले युवा पुस्तादेखी बालबालिकाको मनोविज्ञानलाई पठन संस्कृतिमा आकर्षित गर्नुपर्ने दायित्व तपाई सबैको भएको उहाँले बताउनुभयो ।

आफ्नो समाज र आफ्नो दर्शनको राम्रा पक्ष अरू माझ पु¥याउनका लागि पठन संस्कृतिको उत्तम मार्ग रहेको बताउनुभयो । कवि तथा सामाजिक व्यक्तित्व सरस्वती तिमिल्सिनाले व्यायामले जसरी हाम्रो शरीरलाई स्वास्थ्य बनाउँछ, ठीक यसैगरी पुस्तक पढेर हाम्रो मन मस्तिष्क स्वस्थ र आनन्दमय बन्नन सक्ने बताउयनुभयो ।

No description available.

चाहे कुनै प्रतिकुल स्थितिमा होस् वा अनुकुल, जस्तोसुकै अवस्थामा पनि किताब हाम्राका लागि एक आनन्द, प्रेरणा र ऊर्जाको स्रोत हुने बताउनुभयो । कार्यक्रममा बोल्दै विजय एफ एमका अध्यक्ष त्रिलोचन सापकोटाले आफ्नो पुस्तालाई पठन संस्कृतिमा अभ्यस्त गराउन यो कार्यक्रमले महत्वपूर्ण भुमिका निर्वाह गनेृ बताउनुभयो । पुस्तक पढ्ने, चिन्तन मनन गर्ने परिपाटीको खाँचो रहेको बताउदै हामीहरुलाई डिजिटल प्रविधिको लतबाट मुक्त मात्र गराउँदैन, मस्तिष्क विकासमा पनि सहयोग पुर्‍याउँने भनाइ राख्नुभयो । कार्यक्रममा सर्जक करुण लम्सालले कार्यक्रमको ओैचित्यमाथि प्रकाश पार्नुभएको थियो ।

उहाँले इन्टरनेट, मोमाइल, ल्यापटपमा लिप्त हुँदै गएको अहिलेका पुस्तालाई पठन संस्कृतिको आवश्यकता रहेको प्रस्टाउनुभयो । कार्यक्रममा सहभागीका तर्फबाट सरस्वती तिमिल्सिना,दिपक भट्टाई,आर्दश सुशिल,रञ्जना लामीछाने, सुदिप चापागाई,पुजा शर्मा र त्रिलोजन सापकोटाले पुस्तकमाथि चर्चा गर्नुभएको थियो । शुभारम्भ कार्यक्रमलाई नवलपुर एफ एमका कार्यकारी निर्देशक राधिका भुसालले सहजीकरण गर्नुभएको थिए भने कार्यक्रम कावासोती नगरपालिकाको सभाहलमा सम्पन्न भएको हो ।

प्रकाशित मिति: शनिबार, साउन ५, २०८१ २२:०५