१६ औँ गणतन्त्र दिवसको अवसरमा देवचुलीमा खुल्ला रक्तदान

देवचुली

गृहपृष्ठ
देवचुली

१६ औँ गणतन्त्र दिवसको अवसरमा देवचुलीमा खुल्ला रक्तदान

एलिना केसी सोमबार, जेठ १४, २०८१

देवचुली,

१६ औँ गणतन्त्र दिवसको अवसरमा देवचुलीमा खुल्ला रक्तदान कार्यक्रम सम्पन्न भएको छ । प्रगतिनगर खानेपानी तथा सरसफाई उपभोक्ता संस्थाको आयोजना र देवचुली जेसीज, देवचुली नगरपालिकाको सहकार्यमा सोमबार संस्थाको कार्यालय परिसरमा आयोजना गरिएको खुल्ला रक्तदान कार्यक्रममा ४७ जना दाताले रक्तदान गरेका छन् ।
१ सय पटक रक्तदान गर्नुभएका समाजसेवि शोभाकान्त रेग्मीले रक्तदान गरि रक्तदान कार्यक्रमको शुभारम्भ गरिएको थियो ।
कार्यक्रममा प्रमुख अतिथी रहनुभएका देवचुली नगरपालिकाका नगरप्रमुख न्यौपानेले नेपालमा गणतन्त्र आइसकेपछि जनताले अपेक्षा गरे अनुरुप केही परिवर्तन भइरहेको बताउँदै गणतन्त्रको अवसरमा रक्तदान कार्यक्रम गरि धेरैलाई जीवन दान गर्ने महत्वपूर्ण कार्य गरेकोमा आयोजकलाई धन्यवाद व्यक्त गर्नुभएको थियो । May be an image of 4 people, dais and text
कार्यक्रममा बोल्दै प्रगतिनगर खानेपानी तथा सरसफाई उपभोक्ता संस्थाका अध्यक्ष खिमानन्द भुसालले प्रगतिनगर खानेपानी संस्थाले पछिल्लो समय सामाजिक कार्यमा सहकार्यता भन्ने शिर्षकमा रहेर समाज र सामाजिक कार्यमा नेतृत्व गरिरहेको बताउँदै १६ औँ गणतन्त्र दिवसको अवसरमा सोमबार रक्तदान कार्यक्रमको आयोजना गरिएको बताउनुभएको थियो । May be an image of 1 person and hospital
कार्यक्रममा देवचुली नगरपालिकाका प्रमुख प्रशासकीय अधिकृत मुकुन्द शर्मा, देवचुली नगरपालिकाका प्रवक्ता तिल प्रसाद काफ्ले, देवचुली जेसीजका अध्यक्ष सन्तोष काफ्ले लगायतको उपस्थिति रहेको थियो । May be an image of 4 people and text
रक्तदान कार्यक्रमको अध्यक्षता प्रगतिनगर खानेपानी तथा सरसफाई उपभोक्ता संस्थाका अध्यक्ष खिमानन्द भुसालले गर्नुभएको थियो । रक्तदान कार्यक्रमका लागि नेपाल रेडक्रस सोसाइटी नवलपुर रक्त संचारको प्राविधिक सहयोग रहेको थियो । प्रगतिनगर खानेपानी तथा सरसफाई उपभोक्ता संस्थाका उपाध्यक्ष दुर्गादेवि विष्टले स्वागत मन्तव्य राख्नुभएको कार्यक्रममा संस्थाका सचिव ईन्द्रमणी भुसालले सहजीकरण गर्नुभएको थियो ।