देवचुली मा.विमा 'बुक फ्रि डे' : सांस्कृतिक झलक तथा पोसाक प्रदर्शन

देवचुली

गृहपृष्ठ
देवचुली

देवचुली मा.विमा 'बुक फ्रि डे' : सांस्कृतिक झलक तथा पोसाक प्रदर्शन

एलिना केसी शुक्रबार, जेठ ११, २०८१

देवचुली,

देवचुली नगरपालिका वडा नं १६ रजहरमा रहेको देवचुली माध्यमिक विद्यालयमा 'बुक फ्रि डे' अन्तर्गत सांस्कृतिक झलक तथा पोसाक प्रदर्शन एवम् वक्तृत्वकला प्रतियोगिता सम्पन्न गरिएको छ । शुक्रबार विद्यालयले विद्यार्थीहरुलाई आफ्नो र अन्य परम्परागत पोसाक चिनाउनका लागि विशेष कार्यक्रमको आयोजना गरि 'बुक फ्रि डे' कार्यक्रम सम्पन्न गरेको हो । May be an image of 6 people

देवचुली माध्यमिक विद्यालय व्यवस्थापन समितिका अध्यक्ष टोपराज कोइरालाको अध्यक्षता रहेको कार्यक्रममा देवचुली वडा नं १६ का वडाध्यक्ष केशरबहादुर गौतमको प्रमुख आतिथ्यता रहेको थियो । May be an image of 13 people and text
कार्यक्रममा देवचुली माध्यमिक विद्यालयका प्रधानाध्यपक नारायण प्रसाद भण्डारीले विद्यालयमा अध्ययनरत विद्यार्थीहरुलाई सम्पूर्ण जात, धर्म, संस्कृति, भाषा र भेषभुषाको सम्मान साथै संरक्षण गर्न सिकाइएको बताउनुभयो । उहाँले मौलिक संस्कृतिका बारेमा नयाँ पुस्ता परिचित हुनुपर्छ भन्ने हेतुका साथ देवचुली मा विले फरक–फरक कार्यक्रम संचालन गर्दै आइरहेको बताउनुभयो । May be an image of 13 people and text

कार्यक्रममा चित्रकला र हस्तकलामा उत्कृष्ठ हुने तहगत विद्यार्थीलाई पुरस्कार वितरण गरिएको थियो । साथै शुक्रबार भएको वक्तृत्वकला प्रतियोगितामा दिक्षा कंडेल प्रथम, बसन्त घिमिरे द्धितीय र सुशान्त ढकाल तृत्तय हुने विद्यार्थीलाई पुरस्कार वितरण गरि सम्मान गरिएको थियो । May be an image of 13 people and text

कार्यक्रममा बोल्दै प्रमुख अतिथी रहनुभएका वडा केशवराज गौतमले पढाइसँगै विद्यार्थीले आफ्नो संस्कृति, भेषभुषा, भाषा लगाएतका कुरामा जानकार हुनुपर्ने भन्दै विद्यालयमा शिक्षा मात्रै होइन धर्म र संस्कृतिको बारेमा समेत ज्ञान दिन विद्यालयलाई आग्रह गर्नुभएको थियो । उहाँले देवचुली मा विद्यालयले विद्यार्थीलाई आफ्नो संस्कार, संस्कृति सिकाउने र यसको संरक्षणका लागि कार्यक्रम संचालन गरेको प्रति धन्यवाद व्यक्त गर्नुभएको थियो । May be an image of ‎5 people and ‎text that says "‎3回で माध्यामक विदालय 00 ا क्‎"‎‎

कार्यक्रममा विद्यार्थीहरुले विभिन्न संस्कृति झल्कने पोसाक सहित नृत्य प्रस्तुत गरेका थिए । कार्यक्रममा विद्यालय व्यवस्थापन समितिका पदाधिकारी, निर्माण समितिका अध्यक्ष एवम् अभिभावकहरु लगायतको उपस्थिति रहेको थियो । कार्यक्रमको सहजीकरण विद्यालयको शिक्षक भञ्जुल कंडेलले गर्नुभएको थियो ।
May be an image of 14 people and text that says "မြန်ရသွသတ राष्ट्रिय गान सयींथँगा सयों थुँगा फलका हामी ਦਤटैमाला ਦਤਟੈ माला नेपाली कैलिएएका मेची काली पम्पदाद चल हरुव"