हिटस्ट्रोकका कारण अस्पतालमा भर्ना भए शाहरुख खान

कला/साहित्य

गृहपृष्ठ
कला/साहित्य

हिटस्ट्रोकका कारण अस्पतालमा भर्ना भए शाहरुख खान

हेर्नेपाटी बिहीबार, जेठ १०, २०८१

नयाँ दिल्ली

बलिउडका बादशाह शाहरुख खान अस्पताल पुगेका छन् । इन्डिया टुडेका अनुसार हिटस्ट्रोक र डिहाइड्रेशनका कारण शाहरुख खानलाई अहमदाबादको केडी अस्पतालमा भर्ना गरिएको थियो । शाहरुखको अभिन्न मित्र अभिनेत्री जुही चावला र उनका पति जे मेहता पनि उनलाई भेट्न अस्पताल पुगेको बताइएको छ ।

अस्पतालले शाहरुखलाई डिस्चार्ज गरिसकेको छ । शाहरुख खानको स्वास्थ्य सामान्य अवस्थामा फर्किरहेको र आइतबार हुन लागेको आईपीएलको फाइनल खेलमा आफ्नो टिम कोलकता नाइट राइडर्सलाई सपोर्ट गर्न उनी जाने जुहीले बताएकी छिन् । मंगलबार राति बिसञ्चो महसुस हुँदा हुँदै पनि अभिनेता आफ्नो टिमलाई सर्पोर्ट गर्न गएका थिए । उनलाई बिस्तारै सन्चो भइरहेको र फाइनलको खेलको आफ्नो टिमलाई चियर गर्न जाने जुहीको भनाइ छ ।

शाहरुख छोरी सुहाना, कान्छो छोरा अबराम र म्यानेजर पूजा दधलानीको साथमा केकेआर र सनराइजर्स हैदरावादको आईपीएल प्ले अफ हेर्न अहमदाबाद पुगेका थिए । केकेआरको समर्थनमा जुही चावला, जे मेहता, अभिनेत्री अनन्या पान्डे, सनाया कपूर, नभ्या नन्दा र अगस्त नन्दा पनि रङ्गशालामा देखिएका थिए ।

हालैका केही दिनयता भारतमा गर्मी खपी नसक्ने गरी बढेको छ । उत्तर प्रदेश, राजस्थान, चन्दीगढ, पञ्जाब, दिल्ली, हरियाणा लगायत देशका कयौँ हिस्सामा मौसम विभागले तातो हावाको लहर चल्ने भन्दै रेड अलर्ट नै जारी गरेको छ ।

प्रकाशित मिति: बिहीबार, जेठ १०, २०८१ १४:२५