देवचुली
ओएसिस इङ्लिस बोर्डिङ स्कुल देवचुली १७ ले आफ्नो १४ औँ वार्षिक उत्सव मनाएको छ।
शुक्रबार विद्यालयले एक कार्यक्रमको आयोजना गरि वार्षिक उत्सव तथा अभिभावक दिवस मनाएको हो।
वार्षिक उत्सवको अवसर पारी विद्यालयले वार्षिक खेलकुदमा उत्कृष्ट भएका विद्यार्थी तथा अभिभावकहरूलाई पुरस्कार वितरण गरेको थियो।
विद्यालयका व्यवस्थापन समितिका अध्यक्ष चन्द्र प्रसाद तिवारीको अध्यक्षता सँगै देवचुली नगरपालिकाका शिक्षा शाखा प्रमुख राम प्रसाद शर्माको प्रमुख आतिथ्यमा कार्यक्रम सम्पन्न भएको थियो।
कार्यक्रममा विद्यालयका प्रिन्सिपल खगीसरा ढकालले विद्यालयले आजको दिन सम्म आउँदा भोगेका उतारचढाव सँगै भावी योजनाहरू बताउनुभएको थियो।
कार्यक्रमका अध्यक्ष तिवारीले यस क्षेत्रमा विद्यालयले पुर्याएको योगदानको चर्चा गर्दै आगामी दिनमा अझ प्रगति गर्दै नगरकै उत्कृष्ट बिधालय बन्नेमा कुनै दुई मत नरहेको बताउनुभएको थियो।
कार्यक्रममा प्याब्सनका केन्द्रिय उपाध्यक्ष गोपेन्द्र केशरी न्यौपाने , प्याब्सन नवलपुरका अध्यक्ष दीपक रावत , विभिन्न विद्यालयका प्रिन्सिपल , स्थानीय संघ संस्थाका पदाधिकारी सहित अभिभावक तथा विद्यार्थीहरूको उपस्थिति रहेको थियो।
कार्यक्रममा विधार्थीहरुले नृत्य संगै शैक्षिक सामग्रीहरु प्रदर्शनी समेत गरेका थिए।
