देवचुली
देवचुली १७ फारममा रहेको बरचुली माध्यमिक विद्यालयमा विविध खेलकुद कार्यक्रम सम्पन्न भएको छ। विद्यालयले आयोजना गरेको तहगत विविध खेलकुद कार्यक्रम विद्यालयका प्रधानाध्यापक चन्द्रदेव तिवारीको अध्यक्षतामा सम्पन्न गरिएको हो।
कार्यक्रमको अवसर पारी पूर्व प्राथमिक तहको लागी ५० मिटर दौड , तातो आलु , भित्र बाहिर , चकलेट दौड लगायतका खेल खेलाइएको थियो। प्राथमिक तथा माध्यमिक तहको लागी तातो आलु , म्युजिकल चियर , भित्र बाहिर , ५० मिटर दौड , चम्चा गुच्चा , २ सय मिटर दौड , १ सय मिटर दौड , स्लो साइकल रेस , फुटबल , शट पुट खेल खेलाइएको थियो। विद्यालयले आफ्नो ४३ औं वार्षिकोत्सवको अवसर पारी आयोजना गरेको खेलकुद कार्यक्रमलाई विद्यालयका अंग्रेजी शिक्षक ऋषिराम महतोले सहजीकरण गरेका थिए।
कार्यक्रममा विद्यालयका गणित शिक्षक मनोज पौडेल , दिल प्रसाद तिवारी , नेपाली शिक्षिका कमला कँडेल सहित अन्य शिक्षकहरूको उपस्थिति रहेको थियो।
विद्यालयले कक्षा ११ र १२ को लागी भलिबल , फुटबल र म्युजिकल चियर लगायतको खेल आयोजना गरेको थियो।
आजै सम्पन्न कार्यक्रममा विद्यार्थीहरूको नृत्य प्रस्तुत गरिएको थियो भने केही विधाको खेलका विजेता विद्यार्थीहरूलाई पुरस्कार समेत वितरण गरिएको थियो।
