देवचुली
देवचुली नगरपालिकामा सञ्चालित वडा स्तरीय फुटबल प्रतियोगिताको उपाधिको लागी देवचुली १६ र देवचुली ११ को बिचमा फाइनल खेल हुने भएको छ।
आज शुक्रबार भएको पहिलो सेमिफाइनलमा देवचुली १६ ले १५ लाई र देवचुली ११ ले १ लाई पराजित गर्दै दुवै देवचुली १६ र ११ ले उपाधिको होडमा अगाडि बढेको हो।
देवचुली नगर युवा तथा खेलकुद विकास समितिको आयोजना तथा वडा युवा तथा खेलकुद विकास समिति देवचुली ८ को सह आयोजनामा सञ्चालित प्रतियोगिताको फाइनल खेल माघ ६ गते अर्थात शनिबार हुने भएको छ। शनिबार प्रतियोगिताको समापन समारोह समेत रहेको देवचुली नगर युवा तथा खेलकुद विकास समितिका सचिव प्रकाश काफ्लेले बताएका छन्।
समापन समारोहमा समितिका अध्यक्ष चन्द्रबहादुर थापाको अध्यक्षता सँगै देवचुली नगरपालिकाको नगर प्रमुख हरि प्रसाद न्यौपानेको प्रमुख आतिथ्यता रहनेछ। पौष २६ गते देखि सञ्चालित वडा स्तरीय फुटबल प्रतियोगिताको विजेता र उपविजेता समुहले क्रमश नगद ४० हजार र २० हजारको साथमा मेडल, प्रमाणपत्र र ट्रफी प्राप्त गर्नेछन्।
यो सँगै देवचुली नगरपालिका भित्र रहेका ३ वटा महिला फुटबल समूहको बिचमा मैत्रीपूर्ण फुटबल समेत आयोजना गरिएको छ।
यसै अनुसार आज शुक्रबार देवचुली ४ र देवचुली १३ को महिला फुटबल समुहको बिचमा भएको खेलमा देवचुली १३ बिजयी भएको छ भने शनिबार मध्यान्ह १२ बजे आजको विजेता समूह देवचुली १३ र देवचुली १७ को बिचमा खेल हुनेछ।
सेन्टर प्लट खेल मैदानमा सञ्चालित प्रतियोगिताको फाइनल खेल शनिबार दिनको १ : ३० बजे हुनेछ। माघे सक्रान्तिको पावन अवसरमा आयोजित प्रतियोगितामा नगर भित्रका १७ समुहले प्रतिस्पर्धा गरेको थियो।
