देवचुली
देवचुली जेसिजको ९ औं पद हस्तान्तरण कार्यक्रम आज दलदलेको देवचुली पार्टी प्यालेसमा सम्पन्न भएको छ। आज शनिबार जेसिज वर्ष २०२३ को निर्वतमान समितिद्वारा जेसिज वर्ष २०२४ को नव निर्वाचित समितिलाई आज पद हस्तातरण गरिएको हो।
वर्ष २०२३ का अध्यक्ष गणेश सापकोटाले नव निर्वाचित अध्यक्ष सन्तोष काफ्लेलाई जेसिज चेन लगाएर पद हस्तान्तरण गरेका थिए। वर्ष २०२३ का अध्यक्ष गणेश सापकोटाको अध्यक्षता सँगै प्रतिनिधि सभा सदस्य तथा नेपाली कांग्रेसका नेता डा. शशाङ्क कोइरालाको प्रमुख आतिथ्यता रहेको थियो।
कार्यक्रममा शुभकामना मन्तव्य राख्दै नेता कोइरालाले जेसिजले यस क्षेत्रको शैक्षिक , सामाजिक तथा स्वास्थ्यको क्षेत्रमा महत्वपूर्ण भूमिका निर्वाह गरेकाले धन्यवाद व्यक्त गर्दै नयाँ कार्य समितिलाई सफल कार्यकालको शुभकामना व्यक्त गरेका थिए।
कार्यक्रममा कार्यकारिणी उपाध्यक्षमा विजय पंगेनी र सिद्धार्थ क्षत्री , उपाध्यक्ष आकास श्रेष्ठ , भरत थापा, सुरज भुसाल र मोसमशुल होदा त्यस्तैगरी सचिव गौरव श्रेष्ठ , सह कोषाध्यक्ष चेत नारायण शर्मा , महासचिव जीवन भुसाल , कानुनी सल्लाहकार नरेन्द्र भण्डारी र कोषाध्यक्ष पुष्पराज लामिछाने लगायतलाई पद हस्तान्तरण गरिएको थियो।
यस कार्यक्रममा देवचुली नगरपालिकाका उप प्रमुख पार्वता तिवारी सहित विभिन्न वडाका अध्यक्ष संगै नगरपालिका भित्र रहेका राजनीतिक दलका प्रमुखहरूको उपस्थिति रहेको थियो।
