रजहर मध्यवर्ती सहकारी संस्थाको २१ औँ साधारण सभा सम्पन्न

देवचुली

गृहपृष्ठ
देवचुली

रजहर मध्यवर्ती सहकारी संस्थाको २१ औँ साधारण सभा सम्पन्न

एलिना केसी शुक्रबार, पुस २७, २०८०

देवचुली,

देवचुली नगरपालिका वडा नं १६ रजहरमा रहेको रजहर मध्यवर्ती बचत तथा ऋण सहकारी संस्था लिमिटेडको २१ औँ वार्षिक साधारण सभा सम्पन्न भएको छ । सहकारी संस्थाका अध्यक्ष जयन्तीकुमारी श्रेष्ठ शर्माको अध्यक्षतामा शुक्रबार सम्पन्न भएको कार्यक्रममा देवचुली नगरपालिकाका उपप्रमुख पार्वता तिवारीको प्रमुख आतिथ्यता रहेको थियो । संस्थाले ०८०/०८१ मा २२ लाख २३ हजार ४ सय १९ शुद्ध नाफामा रहेको छ । संस्थाको शेयर पूँजी ५२ लाख १० हजार ५ सय रहेको छ । यस बर्ष सम्म आइपुग्दा संस्थागत पूँजी जगेडा कोषमा ४२ लाख २५ हजार ३ सय ३० रहेको छ । May be an image of 5 people, people studying and text

२०७८ सालमा स्थापना भएको संस्थामा हाल १ हजार ७ सय ८७ जना शेयर सदस्य रहेका छन् ।
कार्यक्रममा बोल्दै प्रमुख अतिथि नगर उपप्रमुख तिवारीले सबैले सहकारीको अपनत्व बोध गरेर अघि बढ्नुपर्ने बताउनुभयो । सहकारी संस्थाले आफ्ना शेयर सदस्यप्रति इमान्दार भएर काम गर्नुपर्ने कुरामा जोड दिँदै संस्थाले सदस्यहरुको जीवनस्तर माथि उठाउने किसिमका कार्यक्रम सञ्चालन गर्नुपर्ने बताउनुभयो । May be an image of 6 people and text

वार्षिक साधारण सभामा सहकारी संस्थाले १७ जनालाई सम्मान समेत गरेको थियो । जसमा उत्कृष्ट बचतकर्ता, उत्कृष्ट बाल बचतकर्ता, उत्कृष्ट ऋणि, उत्कृष्ट शेयर खरिदकर्ता र ७ जना जेष्ठ नागरिकलाई सम्मान गरिएको थियो । वार्षिक साधारण सभामा वार्षिक प्रतिवेदन संस्थाकी कोषाध्यक्ष उमादेवि पौडेलले प्रस्तुत गर्नुभएको थियो ।
कार्यक्रमको सञ्चालन सत्यराज अधिकारीले गर्नुभएको थियो ।

८ औँ अधिवेशनबाट गिरीधर सापकोटा चयन हुनुभएको छ । उपाध्यक्षमा मिना भण्डारी, सचिवमा देवकुमारी महत्तो, कोषाध्यक्षमा उमादेवि पौडेल, सदस्यमा मिना दुलाल, लिला खोजवार, फूलमाया महत्तो, हिमकला देवकोटा, नविन कुमारी थनेत, चन्द्रावती घिमिरे, नन्दुमाया सापकोटा चयन भएका छन् ।
यसैगरि लेखा सुपरिवेक्षण समितिको संयोजकमा सुनिता जि.सी सहित सदस्यमा विष्ण्नु जि.सी र पार्वती दाहाल सर्वसम्मत चयन भएका छन् ।

May be an image of 2 people