महिला कल्याण रजत जयन्ती : वडा नं ११ को इकाई साधारण सभा सम्पन्न

देवचुली

गृहपृष्ठ
देवचुली

महिला कल्याण रजत जयन्ती : वडा नं ११ को इकाई साधारण सभा सम्पन्न

एलिना केसी सोमबार, पुस १६, २०८०

देवचुली,

देवचुली ११ को महिला कल्याण बहुउद्धेश्यीय सहकारी संस्थाले स्थापनाको २५ औँ वार्षिक साधारण सभा एवम् रजत जयन्तीको अवसरमा देवचुली ११ मा इकाइ साधारण सभा सम्पन्न गरेको छ । सोमबार देवचुलीको धारापानी खेलमैदानमा देवचुली वडा नं ११ को इकाइगत साधारण सभा सम्पन्न गरेको हो । रजत जयन्तीको अवसरमा संस्थाले गत पौष १२ गते देखि इकाइगत वार्षिक साधारण सभा कार्यक्रम गर्दै आइरहेको छ । May be an image of 3 people and temple

वि.सं २०५६ सालमा ८१ जना महिलाहरुको सक्रियतामा स्थापना भएको उक्त संस्थामा हाल चौबिस सय भन्दा बढि शेयर सदस्य रहेका छन् । २०८० सालमा आइपुग्दा ४८ लाख १८ हजार ९ सय ६२ रुपैंया संस्था नाफामा रहेको छ । संस्थाले यस क्षेत्रका शेयर सदस्य महिला दिदीबहिनीहरुका क्षेत्रमा रहेर सहकारीलाई अगाडि बढाइरहेको छ । सहकारीकै माध्यमबाट महिलाहरुलाई बेला–बेला नेतृत्व विकास तथा क्षमता अभिवृद्धि तालिमहरु पनि संचालन गर्दै आइरहेको छ । May be an image of 2 people

सोमबार देवचुली ११ को ईकाइगत साधारण सभा कार्यक्रममा देवचुली ११ का वडाध्यक्ष एवम् नगरप्रवक्ता तिल प्रसाद काफ्लेको प्रमुख आतिथ्यता रहेको थियो भने संस्थाका अध्यक्ष रत्नामाया विश्वकर्माको अध्यक्षता रहेको थियो । कार्यक्रममा संस्थाका अध्यक्ष विश्वकर्माले आगामी २०८०/०८१ को अनुमानित बजेट
र भावी कार्ययोजना प्रस्तुत गर्नुभएको थियो । May be an image of 10 people and people studying

उक्त कार्यक्रममा बोल्दै प्रमुख अतिथी रहनुभएका देवचुली ११ का वडाध्यक्ष काफ्लेले महिला दिदीबहिनीहरुको नेतृत्व विकासका लागि संस्थाले विगतका दिनहरु देखि नै विभिन्न उदहारणीय कार्यक्रमहरु संचालन गर्दै आइरहेको बताउनुभएको थियो । उहाँले महिलाहरु पनि सहकारीको माध्यमबाट अगाडि बढ्न सक्ने बताउँदै संस्थाको उत्तरोत्तर प्रगतिको शुभकामना व्यक्त गर्नुभएको थियो । May be an image of 2 people and text

कार्यक्रममा महिला कल्याण बहुउद्धेश्यीय सहकारी संस्थाका लेखा संयोजक शान्ति चापागाईले लेखा सुपरिवेक्षण समितिको प्रतिवेदन प्रस्तुत गर्नुभएको थियो ।

कार्यक्रममा संस्थाका पूर्व अध्यक्ष विमला अधिकारी, देवचुली वडा नं १२ का वडासदस्य एवम् कार्यपालिका सदस्य फूलमाया वि.क, वडासदस्य बेलिमाया पुलामी लगायतले शुभकामना मन्तव्य व्यक्त गर्नुभएको थियो । May be an image of 8 people and text

महिला बहुउद्धेश्यीय सहकारी संस्थाका अमृता पाण्डेले स्वागत मन्तव्य राख्नुभएको कार्यक्रमको सहजीकरण सह–सचिव गीता न्यौपाने भुसालले गर्नुभएको थियो । रजत जयन्तीको अवसरमा संस्थाले गत पौष १२ गते देखि २१ गते सम्म विविध कार्यक्रमहरु गरि मनाइरहेको छ । May be an image of 12 people