देवचुलीमा जिल्ला स्तरीय पुरुष तथा महिला भलिवल प्रतियोगिता सुरु

खेलकुद

गृहपृष्ठ
खेलकुद

देवचुलीमा जिल्ला स्तरीय पुरुष तथा महिला भलिवल प्रतियोगिता सुरु

एलिना केसी मंगलबार, पुस १०, २०८०

देवचुली,
२९ औँ जिल्ला स्तरीय पुरुष तथा पाँचौ खुल्ला महिला भलिवल प्रतियोगिता २०८० देवचुलीमा सुरु भएको छ । पुसे १५ को अवसरमा युवा तथा खेलकुद विकास समिति देवचुली ९ को आयोजनामा आयोजित भलिवल प्रतियोगिता देवचुली ९ को घुमाउरी पिकनिक स्पर्टको खेलमैदानमा मंगलबार देखि सुरु भएको छ ।

May be an image of 14 people, people playing football and people playing soccer

प्रतियोगिताको समुद्घाटन देवचुली नगरपालिकाका नगरप्रमुख हरि प्रसाद न्यौपानेले पानसमा बत्ती बालेर समुद्घाटन गर्नुभएको थियो । पुष १० गते देखि सुरु गरिएको भलिबल प्रतियोगिता आगामी १५ गतेसम्म संचालन गरिनेछ । यस क्षेत्रको भलिवल खेल संरक्षण र खेलाडीको उत्पादनका लागि प्रत्येक बर्ष भलिवल प्रतियोगिता संचालन गरिदै आइरहेको प्रतियोगिताका संयोजक एवम् खेलकुद विकास समिति देवचुली ९ का अध्यक्ष कृष्ण बहादुर आलेले जानकारी गराउनुभयो ।

May be an image of 12 people, people playing voleyball, people playing soccer and people playing football
कार्यक्रममा बोल्दै प्रमुख अतिथी रहनुभएका नगर प्रमुख न्यौपानेले खेलकुदको क्षेत्रमा नगरपालिका सधैं सकारात्मक रहेको बताउनुभयो । उहाँले पछिल्लो समय देवचुलीमा धेरै खेलाडी उत्पादन भइरहेकोले खेलाडीको प्रोत्साहनका लागि नगरपालिकाले सधैं साथ र सहयोग गर्ने प्रतिबद्धता व्यक्त गर्नुभयो ।

May be an image of 8 people
कार्यक्रममा देवचुली नगरपालिकाका प्रमुख प्रशासकीय अधिकृत मुकुन्द शर्मा, खेलकुद विकास समिति देवचुलीका अध्यक्ष चन्द्र बहादुर थापा मगर, देवचुली ९ का वडाध्यक्ष बलिराम सापकोटा, देवचुली १० का वडाध्यक्ष रेप्ती कुमार घर्ती, वडा नं १३ का वडाध्यक्ष एकदेव पौडेल, कार्यापालिका सदस्य, वडा सदस्य लगायत विभिन्न संघ संस्था एवम् खेलप्रेमीको उपस्थिति रहेको थियो ।

May be an image of 5 people, flute and temple

देवचुली ९ का वडा सदस्य विष्णुबहादुर खड्काले स्वागत मन्तव्य राख्नुभएको कार्यक्रममा गणेश पाण्डे पाण्डेले सहजीकरण गर्नुभएको थियो । युवा तथा खेलकुद विकास समिति देवचुलीको सहकार्य रहेको भलिवल प्रतियोगितामा देवचुली वडा नं ९ को वडा कार्यालयको समन्वय रहेको थियो । यो संगै आज भएको उद्घाटन खेलमा पहिलो जित निकाल्दै कावासोती अर्को चरणमा प्रवेश गरेको छ।

प्रकाशित मिति: मंगलबार, पुस १०, २०८० १९:४१