देवचुली मा.विको ५२ औँ वार्षिकोत्सव तथा अभिभावक दिवस सम्पन्न

देवचुली

गृहपृष्ठ
देवचुली

देवचुली मा.विको ५२ औँ वार्षिकोत्सव तथा अभिभावक दिवस सम्पन्न

एलिना केसी सोमबार, पुस ९, २०८०

देवचुली,

देवचुली नगरपालिका वडा नं १६ रजहरमा रहेको देवचुली माध्यमिक विद्यालयको ५२ औँ वार्षिकोत्सव तथा अभिभावक दिवस सम्पन्न भएको छ । आइतबार एक समारोहका बिच कार्यक्रम सम्पन्न भएको हो ।

विद्यालय व्यवस्थापन समितिका अध्यक्ष टोपराज कोइरालाको अध्यक्षतामा भएको कार्यक्रममा गण्डकी प्रदेशका कृषि तथा भूमि व्यवस्था माननीय महेन्द्र जि।सीको प्रमुख आतिथ्यता रहेको थियो ।

No description available.

कार्यक्रममा बोल्दै प्रमुख अतिथी जि।सीले आफ्नो विशिष्ट पहिचान बनाउन सफल भएको र यस विद्यालयलाई प्रदेश सरकारले आगामी दिनमा आवश्यक सहयोग गर्ने बताउनुभएको थियो । कार्यक्रममा देवचुली नगरपालिकाका नगरप्रमुख हरि प्रसाद न्यौपानेले विद्यालयको स्थापना कालदेखि भौतिक तथा शैक्षिक विकासमा नगरपालिकाले पनि साथ र सहयोग रहदै आएको बताउनुभयो । साथै देवचुली मा।विको उन्नति र प्रगतिमा सधै साथ रहने प्रतिवद्धता व्यक्त गर्नुभयो ।

No description available.

५२ औँ वार्षिकोत्सवको अवसरमा विद्यालयले विद्यालयका अक्षयकोष मार्फत ५० जना विद्यार्थीहरुलाई छात्रवृति वितरण गरिएको थियो ।कार्यक्रममा विद्यालयका प्रधानाध्यापक नारायण भण्डारीले विद्यालयको वार्षिक प्रगति प्रतिवेदन प्रस्तुत गर्नुभएको थियो ।

No description available.

उहाँले विद्यालयले अंग्रेजी माध्यममा प्रत्येक कक्षामा थप सेक्सन हुने गरी विद्यार्थी संख्या ३ बर्ष भित्रमा २ हजार पुर्याउने लक्ष्य , सिकाई र शैक्षिक स्तरमा थप सुधार, एस.ई.ई विद्यार्थीलाई मध्यनजर गरि होस्टेल निर्माण गर्ने, शुद्ध खानेपानी र शौचालय व्यवस्थापन, चमेना गृहलाई व्यवस्थित जस्ता थुप्रै योजना रहेको बताउनुभयो ।

No description available.