देवचुलीमा सुरु भएको वडा स्तरीय भलिबल प्रतियोगिताको पहिलो दिन ५ खेल सम्पन्न

खेलकुद

गृहपृष्ठ
खेलकुद

देवचुलीमा सुरु भएको वडा स्तरीय भलिबल प्रतियोगिताको पहिलो दिन ५ खेल सम्पन्न

राजन थकाली शुक्रबार, मंसिर २९, २०८०

देवचुली

बिहिबार देखि सुरु भएको वडा स्तरिय पुरूष भलिबल प्रतियोगितामा पहिलो दिन ५ खेलहरु सम्पन्न भएका छन्। देवचुली नगरपालिका युवा तथा खेलकुद विकास समितिको आयोजना र देवचुली ५ वडा खेलकुद विकास समितिको सह आयोजनामा प्रतियोगिताको आयोजना गरिएको हो।

May be an image of 15 people and people playing football

प्रतियोगिताको पहिलो दिन ५ खेल संगै समुद्घाटन समारोह समेत सम्पन्न भएको छ। देवचुली नगरपालिका युवा तथा खेलकुद विकास समितिका अध्यक्ष चन्द्रबहादुर थापाको अध्यक्षता संगै देवचुली नगरपालिकाका उप प्रमुख पार्वता तिवारीको प्रमुख आतिथ्यतामा प्रतियोगिताको सुरुवात गरिएको हो।

May be an image of 11 people, people playing soccer and people playing football

पहिलो दिनको खेलमा जित निकाल्दै वडा न ५,७,८ र ९ अर्को चरणमा प्रवेश गरेको छ भने दोस्रो चरणमा पनि जित निकाल्दै वडा न ९ सेमिफाइनलमा प्रवेश गरेको छ । प्रतियोगितामा प्रथम हुने वडाले नगद २० हजार रुपैयाँसहित मेडल,प्रमाणपत्र र ट्रफी प्राप्त गर्नेछ भने उपबिजेता हुने वडाले नगद १२ हजार रुपैयाँसहित मेडल,प्रमाणपत्र र ट्रफी प्राप्त गर्नेछ।

May be an image of 9 people, people smiling and grass

त्यसै प्रतियोगितामा तृतीय हुने वडाले नगद ५ हजार रुपैयाँसहित मेडल,प्रमाणपत्र र ट्रफी प्राप्त गर्नेछ।महिला भलिबलको पुरस्कारको रकम पछि सार्वजनिक गर्ने र प्रतियोगिताको उत्कृष्ट खेलाडीलाई नगद पुरस्कारको व्यवस्था रहेको नगर युवा तथा खेलकुद विकास समितिका सचिव प्रकाश काफ्लेले बताए।

प्रकाशित मिति: शुक्रबार, मंसिर २९, २०८० १८:१२